ଓ୍ବାର୍କଆଉଟ ବେଳେ ହୃଦଘାତର ଶିକାର ହେଲେ ସିଦ୍ଧାନ୍ତ ବୀର ସୂର୍ଯ୍ୟବଂଶୀ
ଜିମରେ ଓ୍ବାର୍କଆଉଟ ବେଳେ ହୃଦଘାତର ଶିକାର ହେଲେ ଅଭିନେତା ସିଦ୍ଧାନ୍ତ ବୀର ସୂର୍ଯ୍ୟବଂଶୀ। ସିଦ୍ଧାନ୍ତଙ୍କୁ ତାଙ୍କ ଜିମ୍ ଟ୍ରେନର ହସ୍ପିଟାଲକୁ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଅଭିନେତା ଜୟ ଭାନୁଶାଲି ସୋସିଆଲ୍ ମିଡିଆରେ ପୋଷ୍ଟ କରି ଏହି ସୂଚନା ଦେଇଛନ୍ତି। ମାତ୍ର ୪୬ ବର୍ଷ ବୟସରେ ସିଦ୍ଧାନ୍ତଙ୍କର ଏପରି ଅକାଳ ବିୟୋଗର ହିନ୍ଦୀ ଟେଲିଭିଜନ ଦୁନିଆକୁ ଶକ୍ତ ଝଟ୍କା ଦେଇଛି। ସିଦ୍ଧାନ୍ତ ଦୁଇଟି ପିଲାର ବାପା ଓ ସେ ତାଙ୍କ ପତ୍ନୀଙ୍କ ସହ ମୁମ୍ବାଇରେ ରହୁଥିଲେ।
ମିଳିଥିବା ସୂଚନା ଅନୁସାରେ, ସିଦ୍ଧାନ୍ତ ଆଜି(ନଭେମ୍ବର ୧୧) ଜିମ୍ରେ ୱାର୍କଆଉଟ୍ କରୁଥିବା ବେଳେ ହଠାତ୍ ବେହୋସ ହୋଇ ପଡ଼ିଯାଇଥିଲେ। ଏହାପରେ ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା। ଡାକ୍ତର ତାଙ୍କୁ ବଞ୍ଚାଇବାକୁ ଚେଷ୍ଟା କରି ବିଫଳ ହୋଇଥିଲେ।
କିଛି ଦିନ ପୂର୍ବେ କମେଡିଆନ ରାଜୁ ଶ୍ରୀବାସ୍ତବଙ୍କର ମଧ୍ୟ ସମାନ ସ୍ଥିତି ହୋଇଥିଲା। ସେ ମଧ୍ୟ ଜିମ୍ ସେଣ୍ଟରରେ ୱାର୍କଆଉଟ୍ କରୁ କରୁ ହୃଦଘାତରେ ଶିକାର ହୋଇ ମାସାଧିକ କାଳ ଚିକିତ୍ସିତ ହୋଇ ଶେଷରେ ପ୍ରାଣ ହରାଇଥିଲେ।
କୁସୁମ, ବାରିସ ଆଦି ଶୋରେ ସିଦ୍ଧାନ୍ତ ବୀର ସୂର୍ଯ୍ୟବଂଶୀଙ୍କୁ ଦେଖିବାକୁ ମିଳିଥିଲା ।
Powered by Froala Editor
