ପୁଲିସ ଭୟରେ ପୋଖରୀକୁ ଡେଇଁପଡିଲେ ଯୁବକ
ଭୁବନେଶ୍ୱର : କରୋନା ପାଇଁ ସାରା ରାଜ୍ୟରେ ଲକଡାଉନ ଜାରି କରାଯାଇଛି । ବାହାରେ ବୁଲିବା ଉପରେ କଟକଣା ଲାଗିଛି । ତେବେ କେତେକ ଲୋକ ବାହାରେ ବୁଲାବୁଲି କରୁଥିବାରୁ ପୁଲିସ ପାଟ୍ରୋଲିଂ କରି ବାରଣ କରିବା ସହ କାର୍ଯ୍ୟାନୁଷ୍ଠାନ ମଧ୍ୟ ନେଉଛନ୍ତି । ତେବେ ଏଭଳି ପାଟ୍ରୋଲିଂ ବେଳେ ଏକ ଅଘଟଣ ଦେଖିବାକୁ ମିଳିଛି । ପୁଲିସକୁ ଦେଖି ଭୟରେ ଦୌଡ଼ି ପଳାଉଥିବା ଜଣେ ଯୁବକ ପୋଖରୀକୁ ଡେଇଁ ପଡ଼ିଥିଲେ । କିନ୍ତୁ ପହଁରା ଜାଣିନଥିବାରୁ ସେ ବୁଡ଼ି ଯାଇଥିଲେ । ପୁଲିସ ଉଦ୍ଧାର କରିଥିଲେବି ଡାକ୍ତରଖାନାରେ ତାଙ୍କର ମୃତୁ୍ୟ ଘଟିଥିଲା ।
ପୁଲିସକୁ ଦେଖି ପୋଖରୀକୁ ଡେଇଁପଡ଼ି ଜଣେ ଯୁବକଙ୍କ ଜୀବନ ଯାଇଛି । ଯୁବକ ଜଣକ ହେଲେ ରଣପୁରର ସନ୍ତୋଷ ପ୍ରଧାନ (୩୩) । ସୂଚନା ମୁତାବକ ରାତି ପ୍ରାୟ ୧୨ଟା ବେଳେ କିଛି ଯୁବକ ରଣପୁର ବଜାର ୭ ଦମ୍ବର ୱାର୍ଡ ସ୍କୁଲ ନିକଟରେ ବସିଥିଳେ । ସେହି ସମୟରେ ରଣପୁର ପୁଲିସ ପାଟ୍ରୋଲିଂରେ ଯାଉଥିଲା । ପୁଲିସକୁ ଦେଖି ସନ୍ତୋଷ ନିକଟରେ ଥିବା ପୋଖରୀକୁ ଡେଇଁ ପଡ଼ିଥିଲେ । ପୁଲିସ ତାଙ୍କୁ ପାଣିରେ ବୁଡ଼ି ଯାଉଥିବା ଅବସ୍ଥାରେ ଉଦ୍ଧାର କରି ସ୍ଥାନୀୟ ହସ୍ପିଟାଲକୁ ନେଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
Powered by Froala Editor
