ଦିଲ୍ଲୀର ପ୍ରଦୂଷଣ ବଢ଼ିବାର ଲାଗିଛି। ବାୟୁର ଗୁଣବତ୍ତା ସୂଚକାଙ୍କ ହ୍ରାସ ପାଇ ୪୫୦ରେ ପହଞ୍ଚିବାରୁ ବଡ଼ ପଦକ୍ଷେପ ନିଆଯାଇଛି। ଅତି ଜରୁରୀ ସାମଗ୍ରୀ ନେଇଯାଉଥିବା ଟ୍ରକ୍ ଓ ସିଏନ୍‌ଜି କିମ୍ବା ଇଲେକ୍ଟ୍ରିକ୍‌ ଶକ୍ତିରେ ପରିଚାଳିତ ଗାଡ଼ିଗୁଡ଼ିକୁ ଦିଲ୍ଲୀରେ ଯାତାୟତ ପାଇଁ ଅନୁମତି ମିଳିବ ବୋଲି ସରକାର ନିର୍ଦ୍ଦେଶ ଦେଇଛନ୍ତି। ତେବେ ଅତି ଜରୁରୀ ସାମଗ୍ରୀ ପରିବହନ ହେଉ ନଥିଲେ ବଡ଼ କିମ୍ବା ମଧ୍ୟମ ଧରଣର ଯାନବାହନକୁ ବି ଦିଲ୍ଲୀରେ ଚାଲିବାକୁ ବନ୍ଦ କରାଯାଇଛି। ପ୍ରଦୂଷିତ ଏରିଆରେ ବିଏସ୍-୪ ଡିଜେଲ୍ ଗାଡ଼ି ବି ଚାଲିବା ବନ୍ଦ କରାଯାଇଛି।

ପ୍ରଦୂଷଣର ମାତ୍ରା ହ୍ରାସ କରିବାକୁ ରାଜଧାନୀରେ ବିଶୋଧିତ ତେଲରେ ପରିଚାଳିତ ହେଉ ନଥିବା ଇଣ୍ଡଷ୍ଟ୍ରୀ ଉପରେ ମଧ୍ୟ ରୋକ ଲଗାଯାଇଛି। ଇଣ୍ଡଷ୍ଟ୍ରୀ ଥିବା ଅଞ୍ଚଳରେ ଯଦି ପିଏନଜି ଭିତ୍ତିଭୂମି କିମ୍ବା ସପ୍ଲାଏ ନାହିଁ, ତଥାପି ବି ଅଶୋଧିତ ତୈଳ ବ୍ୟବହାର କରି ଏପରି ଇଣ୍ଡଷ୍ଟ୍ରୀ ଚାଲି ପାରିବ ନାହିଁ। ତେବେ କ୍ଷୀର, ଗୋ-ଖାଦ୍ୟ, ମେଡିସିନ ଓ ମେଡିକାଲ ସାମଗ୍ରୀ ଉତ୍ପାଦନ ହେଉଥିବା ଇଣ୍ଡଷ୍ଟ୍ରୀ ପାଇଁ ଏହି ନିୟମ ଲାଗୁ ହେବନି।

ସେହିପରି ପ୍ରଦୂଷଣ ରୋକିକାକୁ ବଡ଼ ପ୍ରୋଜେକ୍ଟ ଯଥା ହାଇୱେ ନିର୍ମାଣ, ରାସ୍ତା, ଫ୍ଲାଏଓଭର, ଓଭରବ୍ରିଜ୍, ଶକ୍ତି ପ୍ରକଳ୍ପ ଏବଂ ପାଇପ୍‌ଲାଇନ୍ସ ଆଦି କାମ ବନ୍ଦ ରଖାଯାଇଛି। ପ୍ରଦୂଷଣକୁ ଦେଖି ସମସ୍ତ ସରକାରୀ ଓ ବେସରକାରୀ କାର୍ଯ୍ୟାଳୟରେ ୫୦ ପ୍ରତିଶତ କ୍ଷମତାରେ କାମ କରିବାକୁ କେନ୍ଦ୍ର ସରକାର ନିର୍ଦ୍ଦେଶ ଦେଇଛନ୍ତି। ଦିଲ୍ଲୀ ସରକାରୀ ସ୍କୁଲଗୁଡ଼ିକରେ ଅଡ୍‌-ଇଭନ ଗାଡ଼ି ଚଳାଇବାକୁ ଦିଲ୍ଲୀ ସରକାର ନିଷ୍ପତ୍ତି ନେଇଛନ୍ତି।