ରାସାୟନିକ କମ୍ପାନୀରେ ବଏଲର ବିସ୍ଫୋରଣ : ୩ ମୃତ, ୧୨ ଆହତ
ମହାରାଷ୍ଟ୍ରର ପାଲଘରଠାରେ ଥିବା ଏକ ରାସାୟନିକ କମ୍ପାନୀରେ ଅଗ୍ନିକାଣ୍ଡ ଘଟି ତିନି ଜଣଙ୍କର ମୃତ୍ୟୁ ଘଟିଥିବା ବେଳେ ୧୨ ଜଣ ଆହତ ହୋଇଛନ୍ତି । ଦମକଳ ଗାଡି ପହଞ୍ଚିଥିବା ବେଳେ ନିଆଁକୁ ଆୟତ୍ତ କରିବା ପାଇଁ ଉଦ୍ୟମ ଆରମ୍ଭ ହୋଇଛି। ମଧ୍ୟାହ୍ନ ପରେ ନିଆଁ ଲାଗିଥିଲା, ଫଳରେ ଫ୍ୟାକ୍ଟ୍ରି ଭିତରେ କର୍ମଚାରୀ ଫଶି ରହିଥିବାର ଆଶଙ୍କା କରାଯାଉଛି।
ପାଲଘର ଜିଲ୍ଲାର ବୋଇସର ଏମଆଇଡିସି ଅଞ୍ଚଳରେ ବଏଲର ବିସ୍ଫୋରଣ ହେବାରୁ ଉକ୍ତ ରାସାୟନିକ କମ୍ପାନୀରେ ନିଆଁ ଲାଗିଯାଇଥିଲା । ପୁଲିସ ପକ୍ଷରୁ କୁହାଯାଇଛି ଯେ ଅପରାହ୍ଣ ୪ଟା ୧୫ ମିନିଟ୍ ବେଳେ ସହରର ତାରାପୁର-ବୋଇସର ଅଂଚଳରେ ଥିବା ଭାଗେରିଆ ଇଣ୍ଡଷ୍ଟ୍ରିଜର ଏକ ରାସାୟନିକ କାରଖାନାରେ ନିଆଁ ଲାଗିଥିଲା ।
ଦମକଳ ବିଭାଗ ନିଆଁ ଲିଭାଇବାକୁ ଉଦ୍ୟମ କରୁଛି, ଯାହା ଦ୍ୱାରା ଭିତରେ ଅଟକି ରହିଥିବା ଲୋକଙ୍କୁ ବାହାରକୁ ବାହାର କରାଯାଇ ପାରିବ ବୋଲି ଅଧିକାରୀ କହିଛନ୍ତି। ସେପଟେ ମଧ୍ୟପ୍ରଦେଶ ଖରଗୋନ ଜିଲ୍ଲାରେ ବୁଧବାର ସକାଳେ ବିପିସିଏଲର ଏକ ପେଟ୍ରୋଲ ଟ୍ୟାଙ୍କର ଓଲଟି ପଡିବା ସହ ନିଆଁ ଲାଗିଯାଇଥିଲା। ପେଟ୍ରୋଲ ଟାଙ୍କିରେ ବିସ୍ପୋରଣ ହେବା ଯୋଗୁ ନିକଟରେ ଥିବା ଜନୈକା ଯୁବତୀଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା।
Powered by Froala Editor
