ରାଜୀବ ଗାନ୍ଧୀ ଫାଉଣ୍ଡେସନର ଲାଇସେନ୍ସ ରଦ୍ଦ
କେନ୍ଦ୍ର ସରକାର ଗାନ୍ଧୀ ପରିବାର ସହ ଜଡ଼ିତ ବେସରକାରୀ ସଂଗଠନ ଉପରେ ବଡ଼ କାର୍ଯ୍ୟାନୁଷ୍ଠାନ ନେଇଛନ୍ତି। ସଂଗଠନ ଉପରେ ବିଦେଶୀ ଅନୁଦାନ ଆଇନର ଉଲ୍ଲଘଂନ ନେଇ ଅଭିଯୋଗ ହୋଇଥିଲା। ୨୦୨୦ ଜୁଲାଇରେ ଏମଏଚଏ ଗୃହ ମନ୍ତ୍ରାଳୟ ଭିତରେ ଯାଞ୍ଚ କମିଟି ଗଠନ କରିଥିଲେ। ଏହାର ରିପୋର୍ଟ ଆଧାରରେ ଗୃହ ମନ୍ତ୍ରାଳୟ ରାଜୀବ ଗାନ୍ଧୀ ଫାଉଣ୍ଡେସନ(ଆରଜିଏଫ)ର ଫରେନ କଣ୍ଟ୍ରିବ୍ୟୁସନ ରେଗୁଲେସନ ଆକ୍ଟ (ଏଫସିଆରଏ) ଲାଇସେନ୍ସ ରଦ୍ଦ କରିଛି। ଗୃହ ମନ୍ତ୍ରାଳୟ ଏହି କାର୍ଯ୍ୟାନୁଷ୍ଠାନ ଫରେନ୍ ରେଗୁଲେସନ ଆକ୍ଟ ଅନୁଯାୟୀ କରିଛି। ଯାଞ୍ଚ କମିଟିରେ ଏମଏଚଏମ, ଇଡି, ସିବିଆଇ ଏବଂ ଇନକମ୍ ଟ୍ୟାକ୍ସ ଅଧିକାରୀ ସାମିଲ ଥିଲେ। ଏଫସିଆରଏ ଲାଇସେନ୍ସ ବାତିଲ୍ କରିବାର ନୋଟିସ ରାଜୀବ ଗାନ୍ଧୀ ଫାଉଣ୍ଡେସନର ଅଫିସକୁ ପଠାଯାଇଛି।
ସୂଚନାଯୋଗ୍ୟ, ପୂର୍ବତନ କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧୀ ଆରଜିଏଫ୍ର ଅଧ୍ୟକ୍ଷ ଅଟନ୍ତି। ଟ୍ରଷ୍ଟିମାନଙ୍କ ମଧ୍ୟରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ, ପୂର୍ବତନ ମନ୍ତ୍ରୀ ପି ଚିଦାମ୍ବରମ, ରାହୁଲ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀ ଭଦ୍ରା ମଧ୍ୟ ସାମିଲ ଅଛନ୍ତି। ୧୯୯୧ରେ ଫାଉଣ୍ଡେସନର ସ୍ଥାପନା ହୋଇଥିବା ଓ୍ବେବସାଇଟରେ ଉଲ୍ଲେଖ ରହିଛି।
Powered by Froala Editor
