୭୫ ହଜାର ନିଯୁକ୍ତି ଆଶାୟୀଙ୍କୁ ଚାକିରି ଦେବେ ମୋଦି ସରକାର
ନୂଆଦିଲ୍ଲୀ: ଦୀପାବଳି ଅବସରରେ ଆଜି ଯୁବପିଢିଙ୍କୁ ଉପହାର ଦେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଦେଶବ୍ୟାପି ୭୫ ହଜାର ନିଯୁକ୍ତି ଆଶାୟୀଙ୍କୁ ଚାକିରି ଦେବେ ମୋଦି ସରକାର । ଦେଶର ୧୦ ଲକ୍ଷଙ୍କୁ ନିଯୁକ୍ତି ପାଇଁ ପ୍ରଧାନମନ୍ତ୍ରୀ ଆରମ୍ଭ କରିବେ ନିଯୁକ୍ତି ମେଳା । ପ୍ରଥମ ପର୍ୟ୍ୟାୟରେ ୭୫ ହଜାର ଯୁବ ବର୍ଗଙ୍କୁ ଅଫର୍ ଲେଟର ପ୍ରଦାନ କରାଯିବ। କେନ୍ଦ୍ର ସରକାରଙ୍କ ୩୮ଟି ମନ୍ତ୍ରଣାଳୟ ଓ ବିଭାଗରେ ଖାଲି ପଡ଼ିଥିବା ପଦବୀରେ ଏହି ନଯୁକ୍ତି ମିଳିବ । ମୁଖ୍ୟତଃ ପ୍ରତିରକ୍ଷା, ରେଳ, ଗୃହ, ଡାକ, ଶ୍ରମ ଏବଂ ନିଯୁକ୍ତି ମନ୍ତ୍ରଣାଳୟ, କେନ୍ଦ୍ରୀୟ ଶିଳ୍ପ ସୁରକ୍ଷା ବଳ, ସିବିଆଇ, କଷ୍ଟମ୍ସ ଏବଂ ବ୍ୟାଙ୍କିଙ୍ଗରେ ଏହି ଚାକିରି ବଣ୍ଟନ କରାଯିବ । ୟୁପିଏସସି, ଏସଏସସି ଏବଂ ରେଳେୱେ ବିଭାଗ ଦ୍ୱାରା ଆଶାୟୀଙ୍କୁ ଆଜି ଅଫର ଲେଟର ମିଳିବ । ଦେଶର ଯୁବ ବର୍ଗକୁ ନିଯୁକ୍ତ ଦେବା ଓ ଆଗାମୀ ପିଢ଼ିକୁ ନୂଆ ଦିଶା ଦେଖାଇବାକୁ କେନ୍ଦ୍ର ସରକାର ଏହି ନିଯୁକ୍ତି ମେଳାର ଆୟୋଜନ କରିଛନ୍ତି। ଏହି କାର୍ୟ୍ୟକ୍ରମ ଭିଡିଓ କନଫରେନସିଂ ମାଧ୍ୟମରେ ହେବାକୁ ଥିବା ବେଳେ ସାରା ଦେଶର ଯୁବକ ଯୁବତୀ ଏଥିରେ ଅଂଶଗ୍ରହଣ କରିବେ।ଗତ ଜୁନମାସରେ ପ୍ରଧାନମନ୍ତ୍ରୀ ସମସ୍ତ ବିଭାଗ ଓ ମନ୍ତ୍ରାଳୟଙ୍କ କାର୍ୟ୍ୟ ସମୀକ୍ଷା କରି ଆଗାମୀ ଦେଢ ବର୍ଷରେ ୧୦ ଲକ୍ଷ ନିଯୁକ୍ତି ଦେବେ ବୋଲି ଘୋଷଣା କରିଥିଲେ।
ପ୍ରଧାନମନ୍ତ୍ରୀଙ୍କ ଘୋଷଣା ପରେ ଏହି ଦିଗରେ ମିସନ ମୋଡରେ କାର୍ୟ୍ୟ ଆରମ୍ଭ ହୋଇଥିଲା। ଏହି କ୍ରମରେ ପ୍ରଧାନମନ୍ତ୍ରୀ ପ୍ରଥମ ପର୍ୟ୍ୟାୟରେ ଆଜି ୭୫ ହଜାର ନିଯୁକ୍ତିପତ୍ର ପ୍ରଦାନ କରିବେ।
Powered by Froala Editor