ଝାରସୁଗୁଡ଼ା : ରାଜ୍ୟରେ ଭୟଙ୍କର ହେଉଛି କରୋନା ସ୍ଥିତି ।  ବଢୁଛି କରୋନାର କାୟା ।  ସ୍ଥିତି ହେଉଛି ବେକାବୁ । ଓଡ଼ିଶାରେ କରୋନା ମହାମାରୀର ମହାସମର ଆରମ୍ଭ ହୋଇଯାଇଛି । କରୋନା ଏବେ ଲମ୍ବ ଡିଆଁ ମାରି ଗୋଟିକ ପରେ  ଗୋଟିଏ ଜିଲ୍ଲାରେ ପ୍ରବେଶ କରିବା ସହ ଆତଙ୍କ ଖେଳାଇ ଚାଲିଛି । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ହସ୍ପିଟାଲ,  ବସ୍ତି ଓ କଲୋନୀରୁ ଡେଇଁ ଏବେ କରୋନା ଜେଲକୁ ଡେଇଁଲାଣି । ଏହା ଭିତରେ ଏକ ବଡ଼ ଖବର ସାମନାକୁ ଆସିଛି । ତାହା ହେଲା  ଝାରସୁଗୁଡ଼ା ଉପକାରାଗାରରେ ୬୮ ଜଣ କଏଦୀ ପଜିଟିଭ ଚିହ୍ନଟ ହୋଇଛନ୍ତି ।  ପଜିଟିଭ ଚିହ୍ନଟ ନେଇ ଉପକାରାଗାର ଜେଲର ସୂଚନା ଦେଇଛନ୍ତି ।  ଚିହ୍ନଟ ପଜିଟିଭମାନଙ୍କ ପାଇଁ ୨ଟି ୱାର୍ଡରେ ଆଇସୋଲେସନ ବ୍ୟବସ୍ଥା କରାଯାଇଛି ।  ୪ଟି ପର୍ଯ୍ୟାୟରେ ମୋଟ ୨୮୨ କଏଦୀଙ୍କ ନମୁନା ସଂଗ୍ରହ କରାଯାଇଥିଲା ।  ଆଜି ମିଳିଥିବା ଟେଷ୍ଟ ରିପୋର୍ଟରେ ୬୮ ପଜିଟିଭ ଚିହ୍ନଟ ହୋଇଛନ୍ତି । 

ପ୍ରକାଶ ଯେ,  ରାଜ୍ୟରେ ଆଉ ୧୧୮୦୫ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି  । ସେମାନଙ୍କ ମଧ୍ୟରୁ କ୍ୱାରେଂଟାଇନରେ ୬୬୧୧ ଜଣ ଥିବାବେଳେ ୫୧୯୪ ଜଣ ସ୍ଥାନୀୟ ସଂସ୍ପର୍ଶରେ ଆସି ସଂକ୍ରମିତ ହୋଇଛନ୍ତି  । ରାଜ୍ୟରେ ଏଯାବତ କରୋନାରେ ୬ ଲକ୍ଷ ୪୯୨ ଜଣ ସଂକ୍ରମିତ ହୋଇସାରିଛନ୍ତି  । ସେମାନଙ୍କ ମଧ୍ୟରୁ ୪ ଲକ୍ଷ ୯୧ ହଜାର ୬୭୪ ଜଣ ସୁସ୍ଥ ହୋଇ ସାରିଥିବାବେଳେ ୧ ଲକ୍ଷ ୬ ହଜାର ୪୭୧ ଜଣ ଚିକିିତ୍ସିତ ହେଉଛନ୍ତି  । 

Powered by Froala Editor