ନିଜ କର୍ମଚାରୀଙ୍କ ମାନସିକ ସ୍ବାସ୍ଥ୍ୟକୁ ପ୍ରାଧାନ୍ୟ ଦେବା ଉଦ୍ଦେଶ୍ୟରେ ଇ-କମର୍ସ ପ୍ଲାଟ୍‌ଫର୍ମ ମେଶୋ କର୍ମଚାରୀଙ୍କ ପାଇଁ ଏକ ଘୋଷଣା କରିଛି। କମ୍ପାନୀର ସମସ୍ତ କର୍ମଚାରୀ ୧୧ ଦିନ ପାଇଁ ଛୁଟି ପାଇବେ। ଅକ୍ଟୋବର ୨୨ରୁ ନଭେମ୍ବର ୧ ପର୍ଯ୍ୟନ୍ତ କର୍ମଚାରୀ ଛୁଟିରେ ରହିବେ। ଏ ନେଇ 'ମେଶୋ'ର ପ୍ରତିଷ୍ଠାତା ତଥା ସିଟିଓ ସଞ୍ଜୀବ ବର୍ଣ୍ଣୱାଲ ଟୁଇଟ୍‌ କରି ଏହି ସୂଚନା ଦେଇଛନ୍ତି। ଟୁଇଟ୍‌ କରି କହିଛନ୍ତି, କ୍ରମାଗତ ଦ୍ୱିତୀୟ ବର୍ଷ ପାଇଁ ଆମେ ଏକ ୧୧ ଦିନିଆ କମ୍ପାନୀ ପକ୍ଷରୁ ବ୍ରେକ୍‌ ଘୋଷଣା କରାଯାଇଛି।

ଆଗକୁ ଦୁୁର୍ଗା ପୂଜା ଥିବା ବେଳେ ସବୁ ସପିଂ ଆପ୍ ଭଳି ମିଶୋ ମଧ୍ୟ ପୂଜା ଅଫର ଦେଉଛି। ଏହି ସମୟରେ କାମ ଅଧିକ ରହୁଥିବାରୁ ପୂଜା ଶେଷ ହେବା ପରେ ଅକ୍ଟୋବର ୨୨ରୁ ନଭେମ୍ବର ୧ପର୍ଯ୍ୟନ୍ତ କର୍ମଚାରୀଙ୍କୁ ମଉଜ କରିବା ପାଇଁ ୧୧ ଦିନ ଛୁଟି ଦିଆଯିବ ବୋଲି ଜଣାପଡ଼ିଛି। ଏହାଦ୍ବାରା କର୍ମଚାରୀମାନେ ଶାରୀରିକ ଓ ମାନସିକ ବିଶ୍ରାମ ପାଇ ପରବର୍ତ୍ତୀ ସମୟରେ ଭଲ କାମ କରିପାରିବେ ବୋଲି ଆଶା କରାଯାଉଛି।

ସିଟିଓ ସଞ୍ଜୀବ ବର୍ଣ୍ଣୱାଲ ଟ୍ୱିଟରରେ ଲେଖିଛନ୍ତି ଯେ, “କ୍ରମାଗତ ଦ୍ୱିତୀୟ ବର୍ଷ ପାଇଁ ଆମେ ଏକ ୧୧ ଦିନିଆ କମ୍ପାନି ବ୍ରେକ୍ ଘୋଷଣା କରିଛୁ। ଆଗାମୀ ଉତ୍ସବର ଋତୁ ଏବଂ କାର୍ଯ୍ୟ ଜୀବନରେ ସନ୍ତୁଳନର ମହତ୍ତ୍ବକୁ ଧ୍ୟାନରେ ରଖି ଅକ୍ଟୋବର ୨୨ରୁ ନଭେମ୍ବର ୧ପର୍ଯ୍ୟନ୍ତ ଆମେ କର୍ମଚାରୀଙ୍କୁ ‘ରିସେଟ୍ ଆଣ୍ଡ ରିଚାର୍ଜ ବ୍ରେକ୍’ ଦେବାକୁ ଘୋଷଣା କରିଛୁ।

Powered by Froala Editor