ଦେଶରେ ଆଉ ୫,୪୪୩ କରୋନା ଆକ୍ରାନ୍ତ ଚିହ୍ନଟ
ନୂଆଦିଲ୍ଲୀ: ଦେଶରେ ଆଜି କରୋନା ସଂକ୍ରମଣ ବୃଦ୍ଧି ପାଇଛି । ଗତକିଛି ଦିନର ବ୍ୟବଧାନ ପରେ ୫ ହଜାର ଟପିଛି ଦୈନିକ କରୋନା ଆକ୍ରାନ୍ତଙ୍କ ସଂଖ୍ୟା । ଗତ ୨୪ ଘଣ୍ଟା ମଧ୍ୟରେ ସାରା ଦେଶରୁ ଆଉ ୫ହଜାର ୪୪୩ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ସୂଚନା ଦେଇଛି ସ୍ୱାସ୍ଥ୍ୟ ମନ୍ତ୍ରଣାଳୟ ।
ସେହିପରି ଗୋଟିଏ ଦିନରେ ଆଉ ୫,୨୯୧ ଜଣ ଆକ୍ରାନ୍ତ କରୋନାରୁ ସୁସ୍ଥ ହୋଇଥିବା ସୂଚନା ଦିଆଯାଇଛି । ଦେଶରେ ଲଗାତର କରୋନା ସଂକ୍ରମଣ ତୁଳନାରେ ସୁସ୍ଥତା ସଂଖ୍ୟା ବଢ଼ୁଥିବା ବେଳେ ଆଜି ସଂକ୍ରମିତଙ୍କ ଆକ୍ରାନ୍ତଙ୍କ ଅଧିକ ରହିଛି । ବର୍ତ୍ତମାନ ବି ଦେଶରେ ମୋଟ୍ କରୋନା ସକ୍ରିୟ ମାମଲା ୫୦ ହଜାର ତଳେ ରହିଛି । ଦେଶରେ ମୋଟ୍ କରୋନା ସକ୍ରିୟ ମାମଲା ବର୍ତ୍ତମାନ ୪୬,୩୪୨ ରହିଛି ।
ଦେଶରେ ଦୈନିକ ପଜିଟିଭିଟି ହାର ୧.୬୧%କୁ ବୃଦ୍ଧି ପାଇଛି। ବର୍ତ୍ତମାନ ପର୍ୟ୍ୟନ୍ତ ସମୁଦାୟ ୪,୩୯,୭୮,୨୭୧ଜଣ କରୋନାରୁ ସୁସ୍ଥ ହୋଇଛନ୍ତି । ସେହିପରି ଦେଶରେ ମୋଟ ୫ଲକ୍ଷ ୨୮ହଜାର ୪୨୯ଜଣଙ୍କ ମୃତ୍ୟୁ ଘଟିଛି ।
Powered by Froala Editor
