ପ୍ରାୟ ତିନି ଦଶନ୍ଧି ପରେ ଜାମ୍ମୁ କାଶ୍ମୀର  ଲୋକେ ପୁଣି ଥରେ ମଲ୍ଟିପ୍ଲେକ୍ସରେ ସିନେମା ଦେଖିପାରିବେ । ଉପରାଜ୍ୟପାଳ ମନୋଜ ସିହ୍ନା ରବିବାର ପୁଲୱାମା ଏବଂ ସୋପିଆନରେ ଗୋଟିଏ-ଗୋଟିଏ ମଲ୍ଟିପ୍ଲେକ୍ସର ଉଦଘାଟନ କରିଛନ୍ତି । ଆଜିର ଦିନକୁ କଶ୍ମୀର ପାଇଁ ଐତିହାସିକ ବୋଲି କହିଛନ୍ତି ଉପରାଜ୍ୟପାଳ। ଏଥିସହ ସେ ସିନେମା ହଲରେ ଭାଗ୍ ମିଲ୍ଖା ଭାଗ୍ ଦେଖୁଥିବା ଭିଡିଓ ଉପରାଜ୍ୟପାଳଙ୍କ କାର୍ଯ୍ୟାଳୟ ପକ୍ଷରୁ ଟୁଇଟ୍ କରାଯାଇଛି। କେନ୍ଦ୍ର ଶାସିତ ପ୍ରଦେଶର ଜାରି ବୟାନ ଅନୁସାରେ ଅନନ୍ତନାଗ, ଶ୍ରୀନଗର, ବାନ୍ଦୀପୋରା, ଗାନ୍ଦରବଲ, ଡୋଡା, ରାଜୋରୀ, ପୁଞ୍ଛ, କିସ୍ତୱାଡରେ ଖୁବଶୀଘ୍ର ସିନେମା ହଲ ଉଦଘାଟନ କରାଯିବ ।

ମନୋଜ ସିହ୍ନଙ୍କ ଅଫିସ ଟ୍ୱିଟ୍ କରି କହିଛି, ‘ଜାମ୍ମୁ କାଶ୍ମୀର କେନ୍ଦ୍ର ଶାସିତ ପ୍ରଦେଶ ପାଇଁ ଐତିହାସିକ ଦିନ। ପୁଲୱାମା ଏବଂ ସୋପିଆନରେ ବହୁ ଉର୍ଦ୍ଦେଶୀୟ ସିନେମା ହଲ ମୁଭି ସ୍କ୍ରିନିଂ, ନଫୋଟେରମେଣ୍ଟ ଏବଂ ଯୁବକଙ୍କ କୌଶଳକୁ ନେଇ ଅନେକ ସୁବିଧା ଉପଲବ୍ଧ କରାଇବ । ଶ୍ରୀନଗରର ମଲ୍ଟିପ୍ଲେକ୍ସ ମଙ୍ଗଳବାର ଠାରୁ ଖୋଲିବାକୁ ଯାଉଛି । ଏଥିରେ ଆମୀର ଖାନଙ୍କ ଫିଲ୍ମ ଲାଲ ସିଂ ଚଡ୍ଡାଙ୍କ ସ୍ପେଶାଲ ସ୍କ୍ରିନିଂ କରାଯିବ’। ଆସନ୍ତା ୨୦ ତାରିଖରେ ଶ୍ରୀନଗରରେ ଏକ ଘରୋଇ ମଲ୍ଟିପ୍ଲେକ୍ସ ଖୋଲିବାକୁ ଯାଉଛି। ସେଠାରେ ୩ଟି ସ୍କ୍ରିନ୍ ସହିତ ୫୨୦ ଦର୍ଶକଙ୍କ ଦେଖିବାର ବ୍ୟବସ୍ଥା ରହିଛି। ଏହି ମଲ୍ଟିପ୍ଲେକ୍ସରେ ପ୍ରଥମେ ଲାଲ୍ ସିଂ ଚଢ଼ା ପ୍ରଦର୍ଶିତ ହେବ।

ସୂଚନା ଥାଉକି,୧୯୮୦ ଦଶନ୍ଧିରେ ଉପତ୍ୟକାରେ ପ୍ରାୟ ଏକ ଡର୍ଜନରୁ ଅଧିକ ସିନେମା ଘର କାମ କରୁଥିଲା । କିନ୍ତୁ ସିନେମା ଘର ମାଲିକଙ୍କୁ ଆତଙ୍କବାଦୀ ଧମକ ମିଳିବା ପରେ ସେମାନେ ଏହାକୁ ବନ୍ଦ କରିଥିଲେ । ୧୯୯୦ ମସିହାରେ କିଛି ସିନେମା ଘର ଖୋଲିବା ପାଇଁ ଅଧିକାରୀ ପ୍ରୟାସ କରିଥିଲେ, କିନ୍ତୁ ୧୯୯୯ରେ ଲାଲ ଚୌକର ମଧ୍ୟରେ ରୀଗଲ ସିନେମା ଉପରେ ଏକ ଗ୍ରେନେଡ ମାଡ କରାଯାଇଥିଲା । ଆତଙ୍କବାଦୀ କାର୍ଯ୍ୟକଳାପ ବଢ଼ିବାରୁ ମାଲିକମାନେ ସିନେମାହଲ୍ ବନ୍ଦ କରିବାକୁ ବାଧ୍ୟ ହୋଇଥିଲେ।

Powered by Froala Editor