ରେଳଷ୍ଟେସନର ଶୌଚାଳୟ ବ୍ୟବହାର ପାଇଁ ୧୨ % ଜିଏସ୍ଟି ସହ ୨୨୪ ଟଙ୍କା ଦେଲେ ପର୍ଯ୍ୟଟକ
ରେଳଷ୍ଟେସନରେ ଥିବା ଶୌଚାଳୟକୁ ବ୍ୟବହାର ପାଇଁ ଦୁଇ ଜଣ ଯାତ୍ରୀ ୧୨ ପ୍ରତିଶତ ଜିଏସଟି ସହ ୨୨୪ ଟଙ୍କା ଦେଇଥିବା ଖବର ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏକଥା ଅଜବ ଲାଗୁଥିଲେ ବି ସତ । ତେବେ ଏହାର ସ୍ପଷ୍ଟୀକରଣ ରଖିଛି ରେଳବାଇ ।
ନୂଆଦିଲ୍ଲୀସ୍ଥିତ ବ୍ରିଟିଶ ଦୂତାବାସରୁ ଆସିଥିବା ଦୁଇ ପର୍ଯ୍ୟଟକ ଆଗ୍ରା କ୍ୟାଣ୍ଟ ଷ୍ଟେସନରେ ଭିଆଇପିଙ୍କ ପାଇଁ ଉଦ୍ଧିଷ୍ଟ ଥିବା ଶୌଚାଳୟକୁ କିଛି ସମୟ ବ୍ୟବହାର କରିଥିଲେ ।ଏଥିପାଇଁ ଦୁଇ ପର୍ଯ୍ୟଟକଙ୍କୁ ମୁଣ୍ଡପିଛା ୧୧୨ଲେଖାଏଁ ୨୨୪ ଟଙ୍କା ଦେବାକୁ ପଡ଼ିଛି । ଯେଉଁଥିରେ ୬ପ୍ରତିଶତ ଜିଏସଟି ଏବଂ ୬ ପ୍ରତିଶତ ସିଜିଏସଟି ରହିଛି ।
ମହଙ୍ଗା ଦେଖି ପର୍ଯ୍ୟଟକମାନେ ଯେତେବେଳେ ଲାଉଞ୍ଜ ମ୍ୟାନେଜରଙ୍କ ନିକଟରେ ପହଞ୍ଚିଲେ ସେତେବେଳେ ସେ କହିଥିଲେ ଯେ ଏଥିରେ ଆଇଆରସିଟିସିର କୌଣସି ଦୋଷ ନାହିଁ । ଏକଜିକ୍ୟୁଟିଭ୍ ଲାଉଞ୍ଜରେ ରହିବା ପାଇଁ ୫୦ ପ୍ରତିଶତ ରିହାତି ପରେ ସର୍ବନିମ୍ନ ୧୧୨ ଟଙ୍କା ଦେୟ ବାଧ୍ୟତାମୂଳକ ଅଟେ । ଟଙ୍କା ଦେବା ପରେ କଫି ଦିଆଯାଇଥାଏ । ଆହୁରି ଏଥିରେ ମାଗଣା ୱାଇଫାଇ ବ୍ୟବହାର କରିପାରିବେ ବୋଲି ସ୍ପଷ୍ଟୀକରଣ ଦିଆଯାଇଛି ।
Powered by Froala Editor
