ଡେରାଡୁନ: ଡେରାଡୁନରେ ଜଘନ୍ୟ ହତ୍ୟାକାଣ୍ଡ । ଗୋଟିଏ ପରିବାରର ୫ ଜଣଙ୍କୁ ନିର୍ମମହତ୍ୟା । ନିଜ ପରିବାରକୁ ନିଜ ହାତରେ ଶେଷ କରିଦେଲା ଅଭିଯୁକ୍ତ । ନିର୍ଦ୍ଦୟ ସାଜିଲା ଜନ୍ମକଲା ବାପା ଓ ସାତ ଜନ୍ମର ସାଥି ହେବାକୁ କଥା ଦେଇ ସ୍ତ୍ରୀକୁ ଭୁଲି ଗଲା ସ୍ବାମୀ । ପରିବାର ରକ୍ତରେ ହୋଲି ଖେଳି ନିଜ ତିନି ସନ୍ତାନ, ସ୍ତ୍ରୀ ଓ ମାଆକୁ କଲା ହତ୍ୟା । ଏଭଳି ଛାତିଥରା ଘଟଣା ଘଟିଛି ଉତ୍ତରାଖଣ୍ଡର ରାନିପୋଖରୀର ନାଗାଘୋର ଗ୍ରାମରେ । ତେବେ କେଉଁ କାରଣକୁ ବ୍ୟକ୍ତି ଜଣଙ୍କ ଏପରି କାଣ୍ଡ ଘଟାଇଲେ ସେନେଇ କିଛି ସ୍ପଷ୍ଟ ସୂଚନା ମିଳିପାରିନାହିଁ । ହତ୍ୟାକାଣ୍ଡ ଘଟାଇଥିବା ବ୍ୟକ୍ତି ଜଣଙ୍କ ହେଉଛି ମହେଶ ।
ମହେଶ ଉତ୍ତରପ୍ରଦେଶର ବୃନ୍ଦା ଜିଲ୍ଲାର ଆରାରିଆ ଅଞ୍ଚଳର ବାସିନ୍ଦା ହୋଇଥିବା ବେଳେ ସେ ଉତ୍ତରାଖଣ୍ଡର ରାନିପୋଖରୀର ଶାନ୍ତିନାଗରରେ ପରିବାର ସହ ରହୁଥିଲା । ପରିବାରରେ ୭ଜଣ ସଦସ୍ୟ ଥିବା ବେଳେ କୌଣସି କାରଣକୁ ନେଇ ଅଭିଯୁକ୍ତ ମୁକେଶ ନିଜ ତିନି ସନ୍ତାନ, ସ୍ତ୍ରୀ ଓ ମାଆକୁ ଅତିନିର୍ମମ ଭାବେ ହତ୍ୟା କରିଥିଲା । ଏନେଇ ସ୍ଥାନୀୟ ଲୋକେ ପୋଲିସକୁ ଖବର ଦେବା ପରେ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରିବା ସହ ଅଭିଯୁକ୍ତକୁ ଗିରଫ କରିଛି ।
ଏନେଇ ପୋଲିସ ଏକ ମାମଲା ରୁଜୁ କରି ଅଭିଯୁକ୍ତ ମହେଶଙ୍କୁ ପଚରାଉଚୁରା ଜାରି ରଖିଛି ।

Powered by Froala Editor