ଆଇଟି ନିୟମାବଳୀ ୨୦୨୧ ଅନୁସାରେ ୮ଟି ୟୁଟ୍ୟୁବ ନ୍ୟୁଜ ଚାନେଲ, ଗୋଟିଏ ଫେସବୁକ ଆକାଉଣ୍ଟ ଓ ଦୁଇଟି ଫେସବୁକ ପୋଷ୍ଟକୁ ବ୍ଲକ କରିଛନ୍ତି ସରକାର । ଏହି ଚାନେଲଗୁଡିକ ମଧ୍ୟରେ ରହିଛି ୭ଟି ଭାରତୀୟ ଓ ଗୋଟିଏ ପାକିସ୍ତାନୀ । ନିଷିଦ୍ଧ ହୋଇଥିବା ଚାନେଲଗୁଡିକ ମଧ୍ୟରେ ଲୋକତନ୍ତ୍ର ଟିଭି, ୟୁ ଆଣ୍ଡ ଟିଭି, ଏଏମ ରାଜଭି, ଗୌରବଶାଳୀ ପଓ୍ବନ, ସି ଟପ୍୫ ଟିଏଚ, ସରକାର ଅପଡେଟ, ସବକୁଛ ଦେଖୋ, ନ୍ୟୁଜ କି ଦୁନିଆ ରହିଛି ।

ଏହି ୮ଟି ୟୁଟ୍ୟୁବ ଚାନେଲର ମୋଟ ଦର୍ଶକ ସଂଖ୍ୟା ଥିଲେ ୧୧୪ କୋଟି । ଏହା ଚାନେଲଗୁଡିକର ସବସ୍କ୍ରାଇବର ଥିଲେ ୮୫ ଲକ୍ଷ । ଏହି ଚାନେଲ ଗୁଡ଼ିକରେ ଭାରତ ବିରୋଧୀ ମିଥ୍ୟା ଖବର ପରିବେଶଣ କରାଯାଉଥିଲା। ଏକ ପ୍ରେସ ବିବୃତ୍ତିରେ ଏହି ସୂଚନା ଦେଇଛି ସୂଚନା ଏବଂ ପ୍ରସାରଣ ମନ୍ତ୍ରଣାଳୟ।

ଗତ ଏପ୍ରିଲ ମାସରେ ସରକାର ୧୬ଟି ୟୁଟ୍ୟୁବ୍‌ ଚାନେଲ ବନ୍ଦ କରିଥିଲେ। ସେଥରୁ ୬ଟି ପାକିସ୍ତାନରୁ ଅପରେଟିଂ ହେଉଥିଲା। ସେଥିରେ ଭାରତ ବିରୋଧୀ ତଥ୍ୟ ଗୁଡ଼ିକ ପ୍ରସାରଣ ହେଉଥିଲା। ବାକି ୧୦ଟି ନ୍ୟୁଜ ଚେନେଲ ଭାରତର ଥିଲା। ଦେଶର ରାଷ୍ଟ୍ରୀୟ ସୁରକ୍ଷା, ବୈଦେଶିକ ବ୍ୟାପାରା, ଏବଂ ସାମ୍ପ୍ରଦାୟିକ ଏକତାକୁ ବିଗାଡ଼ିବା ପାଇଁ ଉଦ୍ୟମ ହୋଇଥିଲା।

ବନ୍ଦ କରାଯାଇଥିବା ଚ୍ୟାନେଲ୍ ଭାରତୀୟ ସୈନ୍ୟ, ଜମ୍ମୁ କାଶ୍ମୀର ଭଳି ବିଭିନ୍ନ ପ୍ରସଙ୍ଗକୁ ଅତିରଞ୍ଜିତ କରି ମିଛ ଖବର ପ୍ରସାରଣ କରୁଥିଲା । ଏପରିକି ପାକିସ୍ତାନ ପ୍ରାୟୋଜିତ ଏକାଧିକ ଚ୍ୟାନେଲ୍ ସୋସିଆଲ୍ ମିଡିଆରେ ଭାରତ ବିରୋଧୀ ପୋଷ୍ଟ କରୁଥିଲେ । ୟୁକ୍ରେନ୍ ଯୁଦ୍ଧକୁ ନେଇ ଭାରତର ବୈଦେଶିକ ସମ୍ପର୍କ ଖରାପ କରିବା ଉଦ୍ଦେଶ୍ୟରେ ମିଥ୍ୟା ଖବର ପ୍ରସାରଣ କରୁଥିଲେ । ଏଥିରେ ସେମାନେ ବିଭିନ୍ନ ଲୋକପ୍ରିୟ ଟିଭି ନ୍ୟୁଜ୍ ଚାନେଲର ଲୋଗୋ ସହ ପ୍ଲେଟ୍ ବ୍ୟବହାର କରୁଥିଲେ ।

Powered by Froala Editor