ଓଜନ କମିବାରେ ସାହାଯ୍ୟ କରେ କଦଳୀ ଫୁଲ
![ଓଜନ କମିବାରେ ସାହାଯ୍ୟ କରେ କଦଳୀ ଫୁଲ](https://odishanewslens.com/news_gallery/15412_1660195732.jpg)
କଦଳୀ ସ୍ୱାସ୍ଥ୍ୟ ପାଇଁ ବହୁତ ଲାଭକାରୀ ହୋଇଥାଏ । ସେହିପରି କଦଳୀ ଫୁଲ ମଧ୍ୟ ଶରୀରରର ବହୁ ଅଭାବକୁ ପୁରଣ କରିଥାଏ । କଦଳୀ ଫୁଲ ଔଷଧୀୟ ଗୁଣରେ ଭରପୁର ହୋଇଥାଏ । କଦଳୀ ଫୁଲରେ ଭିଟାମିନ ଇ, ପ୍ରୋଟିନ, ଫାଇବର,ଆଇରନ, କ୍ୟାଲସିୟମ, ପୋଟାସିୟମ,ମ୍ୟାଗ୍ନେସିୟମ,ଫସଫରସ ଓ କାମ୍ଫର ମାତ୍ରା ରହିଥାଏ । ଯାହା ଶରୀରର ବହୁ ସ୍ୱାସ୍ଥ୍ୟ ସମସ୍ୟାକୁ ଭଲ କରିଥାଏ ।
କଦଳୀ ଫୁଲର ଫାଇଦା
୧. ଓଜନ ହ୍ରାସ କରିବାରେ ଲାଭ
ଓଜନ କମ କରିବାରେ କଦଳୀ ଫୁଲ ସେବନ କରିବା ବହୁତ ଲାଭକାରୀ ହୋଇଥାଏ । କାରଣ କଦଳୀ ଫୁଲରେ ଫାଇବର ଭରପୁର ମାତ୍ରାରେ ମିଳିଥାଏ । ଯେଉଁଥିପାଇଁ ପେଟ ଦୀର୍ଘ ସମୟ ଯାଏ ଭରପୁର ରହିଥାଏ । ଜଲଦି ଭୋକ ଲାଗି ନଥାଏ । ଫଳରେ ଓଜନ କମ କରିବାରେ ସହାୟକ ହୋଇଥାଏ ।
୨. ଡାଇବେଟିସ ରୋଗୀ ପାଇଁ ଲାଭଦାୟକ
ଡାଇବେଟିସ ରୋଗୀ ପାଇଁ ଲାଭଦାୟ ହୋଇଥାଏ କଦଳୀ ଫୁଲ । କାରଣ କଦଳୀ ଫୁଲରେ ଗ୍ଲାଇସେମିକ ଇଣ୍ଡେକ୍ସ ଖାଦ୍ୟ ପଦାର୍ଥ ରହିଛି । ଯାହା ଡାଇବେଟିସ ଲେବଲକୁ କଣ୍ଟ୍ରୋଲ କରିବାରେ ସହାୟକ ହୋଇଥାଏ । ତେଣୁ ଡାଇବେଟିସ ରୋଗୀକୁ କଦଳୀ ଫୁଲକୁ ଜରୁର ସେବନ କରିବା ଉଚିତ୍ ।
୩. ହେମୋଗ୍ଲୋବିନ ମାତ୍ରା ଅଭାବକୁ ପୁରଣ କରିଥାଏ
ହେମୋଗ୍ଲୋବିନ ଅଭାବକୁ ପୁରଣ କରିବା ପାଇଁ କଦଳୀ ଫୁଲ ବହୁତ ଉପାଦେୟ ଅଟେ । କାରଣ କଦଳୀ ଫୁଲରେ ଆଇରନ ଭରପୁର ମାତ୍ରାରେ ରହିଥାଏ । ଏହା ହେମୋଗ୍ଲୋବିନ ମାତ୍ରାକୁ ପୁରଣ କରିଥାଏ । ଯାହାଦ୍ୱାରା ଶରୀରରେ ରକ୍ତ ଅଭାବ ପୁରଣ ହୋଇଥାଏ ।
୪. ହାଡ଼ ମଜବୁତ କରିଥାଏ
କଦଳୀ ଫୁଲରେ ଭରପୁର କ୍ୟାଲସିୟମ ଥିବା ଯୋଗୁ ଏହା ହାଡ ମଜବୁତ କରିବାରେ ସହାୟକ ହୋଇଥାଏ । ଏହା ହାଡର ଦୁର୍ବଳତା ଦୂର କରି ଓଷ୍ଟିୟୋପୋରୋସିସ ସମସ୍ୟା ଦୂର କରିଥାଏ ।
Powered by Froala Editor