ବେବୋଙ୍କ ପାଇଁ ରୋଷେଇ କଲେ ସୈଫ
ବେବୋ ଓରଫ୍ କରୀନାଙ୍କ ପାଇଁ ସୈଫ ପାଲଟିଛନ୍ତି ରୋଷେୟା । ନିକଟରେ ସାମ୍ନାକୁ ଆସିଥିବା ଏକ ଫଟୋରୁ ଏହା ପ୍ରମାଣିତ ହୋଇଛି। କରୀନା କପୁର ଖାନ ଏବଂ ସୈଫ୍ ଅଲି ଖାନ ପିଲାଙ୍କ ସହ ଇଂଲଣ୍ଡରେ ଛୁଟି କାଟୁଛନ୍ତି । କରୀନା ଏବଂ ସୈଫ ରବିବାର ସାଙ୍ଗମାନଙ୍କ ସହ ବିଶେଷ ସମୟ ଅତିବାହିତ କରିଥିଲେ । ଗୋଟିଏ ପଟେ କରୀନା ତାଙ୍କ ପୁଅ ଜେଙ୍କ ସହ ଚିଲ୍ କରୁଥିବାବେଳେ ସୈଫ୍ ଅଲି ଖାନ ରୋଷେଇ ଘରେ ଚମତ୍କାର ରନ୍ଧନ କୌଶଳ ପ୍ରଦର୍ଶନ କରିଥିଲେ । ଯଦି ଆପଣମାନଙ୍କୁ ବିଶ୍ୱାସ ହେଉନି, ତେବେ ନିଜେ ଦେଖିପାରିବେ ।
କରୀନା କପୁରଙ୍କ ବନ୍ଧୁ ଆଲେକ୍ସଜାଣ୍ଡାର୍ ଗଲିଗାନ୍ ତାଙ୍କ ସୋସିଆଲ୍ ମିଡିଆ ହ୍ୟାଣ୍ଡେଲରେ ସୈଫ ଏବଂ କରୀନାଙ୍କ କିଛି ଫଟୋ ଶେଆର କରିଛନ୍ତି। ଏଥିରେ ଆଲେକ୍ସଜାଣ୍ଡାର୍ ଙ୍କ ଏକ ଫଟୋରେ ସୈଫ ରୋଷେଇ ଘରେ ପୂରା ମନଧ୍ୟାନ ଦେଇ ରାନ୍ଧୁଥିବା ନଜର ଆସିଛନ୍ତି। ସୈଫଙ୍କୁ ରାଜକୀୟ ଖାଦ୍ୟ ଖାଇବା ସହ ରାନ୍ଧିବାକୁ ବି ଭଲଲାଗେ । ଯାହା ଭାଇରାଲ ହୋଇଥିବା ଚିତ୍ର ସ୍ପଷ୍ଟ ଦର୍ଶାଉଛି ।
Powered by Froala Editor
