କ୍ଷୀର ସ୍ବାସ୍ଥ୍ୟ ପାଇଁ କେତେ ଉପକାରୀ ତାହା କହିବା ଅନାବଶ୍ୟକ। ଆମ ଶରୀରକୁ ସୁସ୍ଥ ରଖିବା ପାଇଁ ଆବଶ୍ୟକ ପଡୁଥିବା କେତେକ ପ୍ରମୁଖ ଖାଦ୍ୟ ମଧ୍ୟରେ ଏହା ଅନ୍ୟତମ। ଅନ୍ୟପକ୍ଷରେ ସୌନ୍ଦର୍ଯ୍ୟକୁ ନୂଆ ରୂପ ଦେବାରେ ଏହାର ମଧ୍ୟ ଭୂମିକା ରହିଛି। ତେବେ କିପରି କ୍ଷୀର ସାହାଯ୍ୟରେ ମୁହଁରେ ଚମକ ଆସିବ ଆସନ୍ତୁ ଜାଣିବା ସେ ସମ୍ପର୍କରେ….

ମହୁ ଓ କ୍ଷୀର: ମୁହଁକୁ ସଫା କରିବାକୁ ହେଲେ କ୍ଷୀରରେ ମହୁ ମିଶାଇ ଲଗାନ୍ତୁ। କାହିଁକି ନା ମହୁ ତ୍ୱଚା ପାଇଁ ଟନିକ୍‌ ଭଳି କାମ କରିଥାଏ। ଏହାକୁ ଖାଇବା ଏବଂ ଲଗାଇବା ଦ୍ୱାରା ସ୍କିନ୍‌ ଗ୍ଲୋ କରିଥାଏ। ସ୍କିନ୍‌କୁ ସଫା କରିବାକୁ ହେଲେ ଏକ ଛୋଟ ଚାମଚ ମହୁ ସହିତ କ୍ଷୀର ମିଶାଇ ମୁହଁରେ ଲଗାନ୍ତୁ। ଏହାକୁ ୧୦ମିନିଟ୍‌ ପର୍ଯ୍ୟନ୍ତ ଛାଡ଼ି ଦିଅନ୍ତୁ। ଏହାପରେ ମୁହଁକୁ ଥଣ୍ଡା ପାଣିରେ ଭଲ ଭାବେ ଧୋଇଦିଅନ୍ତୁ। ଦେଖିବେ ଆପଣଙ୍କ ମୁହଁ କେତେ ଗ୍ଲୋ କରୁଛି।

ମୁଲାୟମ ତ୍ୱଚା: କ୍ଷୀରକୁ ତ୍ୱଚାରେ ଲଗାଇବା ଦ୍ୱାରା ଏହା ଆହୁରି ମୁଲାୟମ ହୋଇଥାଏ। ଦୁଇ ଚାମଚ କ୍ଷୀରସର ସହ ମହୁ ମିଶାଇ ତ୍ୱଚାରେ ଲଗାନ୍ତୁ । ଏହାଦ୍ୱାରା ତ୍ୱଚାର ଶୁଷ୍କତା (ଡ୍ରାଏନେସ୍‌) ଦୂର ହୋଇଥାଏ। କ୍ଷୀର ସହ ଗୋଲାପଜଳ ମିଶାଇ ପୂରା ଶରୀରରେ ଲଗାଇବା ଦ୍ୱାରା ତ୍ୱଚାର ରଙ୍ଗ ଧୀରେ ଧୀରେ ସଫା ଦେଖାଯାଇଥାଏ।

ମୁହଁର ରିଙ୍କଲ୍ସ: ମୁହଁର ରିଙ୍କଲ୍ସ ଦୂର କରିବାକୁ ହେଲେ କ୍ଷୀର ବହୁ ଲାଭକାରୀ ହୋଇଥାଏ। ୨ଚାମଚ ମହୁ ସହ ୩-୪ଚାମଚ କ୍ଷୀରସରକୁ ମିଶାଇ ଦିଅନ୍ତୁ। ଏବେ ଏହାକୁ ଭଲଭାବେ ଲଗାନ୍ତୁ। ଏହାଦ୍ୱାରା ମୁହଁର ରିଙ୍କଲ୍ସ ଦୂର ହୋଇପାରିବ।

ମୁହଁକୁ କରନ୍ତୁ ସଫ୍ଟ ଓ ଗୋଲାପୀ: ଯଦି ଓଠ କଳା ହୋଇଯାଇଛି, କ୍ଷୀରକୁ ଓଠରେ ଲଗାଇବା ଦ୍ୱାରା ଏହାର କଳାପଣ ଦୂର ହୋଇଥାଏ। ଯଦି ଆପଣଙ୍କ ଓଠ ଫାଟୁଛି ତେବେ ଗୋଟେ ବୁନ୍ଦା ଗୋଲାପଜଳ, ଗୋଟିଏ ବୁନ୍ଦା ଲେମ୍ବୁରସ ସହ କ୍ଷୀରରସକୁ ଭଲଭାବେ ମିଶାଇ ଦିଅନ୍ତୁ। ଦେଖିବେ ଆପଣଙ୍କ ଓଠ ସଫ୍ଟ ଏବଂ ମୁଲାୟମ ହୋଇଯାଇଛି।

Powered by Froala Editor