ଏଣିକି ୯ ମାସ ନୁହେଁ, ୬ ମାସ ବ୍ୟବଧାନରେ ନେଇହେବ ବୁଷ୍ଟର ଡୋଜ୍
ପୁଣି ବଢିବାରେ ଲାଗିଛି କରୋନା । ଏହାକୁ ଦୃଷ୍ଟିରେ ରଖି ସ୍ବାସ୍ଥ୍ୟ ମନ୍ତ୍ରଣାଳୟ ଦୁଇଟି କରୋନା ଟିକାର ବୁଷ୍ଟର ଡୋଜ ମଧ୍ୟରେ ବ୍ୟବଧାନକୁ ୯ ମାସରୁ ୬ ମାସକୁ ହ୍ରାସ କରିଛି। ୧୮ ରୁ ୫୯ ବର୍ଷର ସମସ୍ତ ଲୋକ ଏବେ ୯ ମାସ ପରିବର୍ତ୍ତେ ୬ ମାସ ପରେ ବୁଷ୍ଟର ଡୋଜ ନେଇପାରିବେ ବୋଲି ସରକାରଙ୍କ ପକ୍ଷରୁ ସୂଚନା ଦିଆଯାଇଛି।
ନୂତନ ନିର୍ଦ୍ଦେଶନାମା ଅନୁଯାୟୀ, ବୁଷ୍ଟର୍ ଡୋଜ ମଧ୍ୟରେ ଥିବା ବ୍ୟବଧାନକୁ ୬ ମାସ କିମ୍ବା ୨୬ ସପ୍ତାହ ବୋଲି କୁହାଯାଇଛି। ଏହା ଉପରେ ଏନ୍ଟିଏଜିଆଇ ଏହାର ସୁପାରିଶ ଦେଇଛି । ତେଣୁ ୧୮ ରୁ ୫୯ ବର୍ଷ ବୟସର ବ୍ୟକ୍ତିଙ୍କୁ କରୋନା ଟିକାର ବୁଷ୍ଟର ଡୋଜ ୬ ମାସ କିମ୍ବା ୨୬ ସପ୍ତାହ ବ୍ୟବଧାନ ପରେ ଦିଆଯିବା ଉଚିତ୍ ବୋଲି ନିଷ୍ପତ୍ତି ନିଆଯାଇଛି। ଏହା ବ୍ୟତୀତ ୬୦ ବର୍ଷରୁ ଅଧିକ ବୟସ୍କ ବ୍ୟକ୍ତିମାନେ ସରକାରୀ କେନ୍ଦ୍ରରେ ମାଗଣାରେ ବୁଷ୍ଟର ଡୋଜ ପାଇବେ। ସେମାନଙ୍କ ପାଇଁ ମଧ୍ୟ ଦୁଇଟି ବୁଷ୍ଟର୍ ଡୋଜ ମଧ୍ୟରେ ବ୍ୟବଧାନ ମାତ୍ର ୬ ମାସ ହେବ।
ଟୀକାରଣକୁ ନେଇ ସରକାରଙ୍କ ପରାମର୍ଶଦାତା ସଂସ୍ଥା ନ୍ୟାସନାଲ ଟେକ୍ନିକାଲ ଆଡଭାଇଜରି ଗ୍ରୁପ ଅନ ଇମ୍ୟୁନାଇଜେସନ (ଏନଟିଏଜିଆଇ) ଦ୍ୱିତୀୟ ଏବଂ ବୁଷ୍ଟର ଡୋଜ୍ ମଧ୍ୟରେ ସମୟସୀମାକୁ କମ୍ କରିବା ପାଇଁ ସୁପାରିଶ କରିଥିଲା । ଏନଟିଏଜିଆଇ ଏହା ବ୍ୟତୀତ ୧୨ ବର୍ଷରୁ କମ୍ ବୟସର ପିଲାଙ୍କୁ ଟୀକା ଦେବାକୁ ବ୍ୟବସ୍ଥା କରିବା ପାଇଁ ସୁପାରିଶ କରିଛି । ଏବେ ୧୨ ବର୍ଷରୁ ଉର୍ଦ୍ଧ୍ୱ ବୟସର ପିଲାଙ୍କୁ ଟାକୀକରଣ ବ୍ୟବସ୍ଥା ରହିଛି ।
Powered by Froala Editor
