ଜାଣିଲେ ହେବେ ଆଶ୍ଚର୍ୟ୍ୟ : ଆମ୍ୱ କେଜି ୨.୭ ଲକ୍ଷ ଟଙ୍କା
![ଜାଣିଲେ ହେବେ ଆଶ୍ଚର୍ୟ୍ୟ : ଆମ୍ୱ କେଜି ୨.୭ ଲକ୍ଷ ଟଙ୍କା](https://odishanewslens.com/news_gallery/14353_1656151509.jpg)
ନୂଆଦିଲ୍ଲୀ:ଆମ ଦେଶରେ ବିଭିନ୍ନ ପ୍ରଜାତିର ଆମ୍ୱ ରହିଛି। ସେଗୁଡ଼ିକର ଦାମ୍ ମଧ୍ୟ ଭିନ୍ନ ହୋଇଥାଏ। ହେଲେ ଭାରତରେ ଏମିତି ଏକ ପ୍ରଜାତିର ଆମ୍ୱ ଉତ୍ପାଦନ ହେଉଛି ଯାହାର ଦାମ୍ ଜାଣିଲେ ଆପଣ ଆଶ୍ଚର୍ୟ୍ୟ ହେବେ। ଭାରତୀୟ ବଜାରରେ ଏହି ପ୍ରଜାତିର ଆମ୍ୱର ମୂଲ୍ୟ ହେଉଛି ୨.୭ ଲକ୍ଷ ଟଙ୍କାରୁ ଅଧିକ। ଆମ୍ୱର ମୂଲ୍ୟ ଏତେ ଅଧିକ ରହିଥିବାରୁ ବଗିଚାର ସୁରକ୍ଷା ପାଇଁ ମାଲିକ ସିକ୍ୟୁରିଟି ଗାର୍ଡ ଓ କୁକୁର ରଖିଛନ୍ତି।
ଏହି ଆମ୍ୱର ମୂଲ୍ୟ ଅଧିକ ହୋଇଥିବାରୁ ସାଧାରଣ ଲୋକ କ୍ରୟ କରିପାରନ୍ତି ନାହିଁ। ‘ଟାଇୟୋ ନୋ ଟମ୍ୟାଙ୍ଗ’ ନାମକ ଏହି ଆମ୍ୱର ମୂଲ୍ୟ ଜାଣି ଲୋକେ ଆଶ୍ଚର୍ୟ୍ୟ ହୋଇଥାନ୍ତି। ସୂଚନା ଥାଉକି ଏହାର ଉତ୍ପାଦନ ପ୍ରଥମେ ମଧ୍ୟପ୍ରଦେଶ ଜବଲପୁରରେ ହେଉଛି। ଏହା ବ୍ୟତିତ ଜାପାନରେ ମଧ୍ୟ ଏହି ଆମ୍ୱ ଉତ୍ପାଦନ ହେଉଛି। ଆପଣ ଜାଣି ଆଶ୍ଚର୍ୟ୍ୟ ହେବେ ଯେ ଏହାର ବଗିଚା ହାଇ ଆଲର୍ଟ ଜନରେ ରହିଥାଏ। ଜବଲପୁରରେ ରହୁଥିବା ସଙ୍କଳ୍ପ ପରିହାର ଏହି ଆମ୍ୱ ଉତ୍ପାଦନ କରୁଛନ୍ତି।
ସଙ୍କଳ୍ପ ଏହି ଆମ୍ୱର ସୁରକ୍ଷା ପାଇଁ ନିଜ ବଗିଚାରେ ୩ ଜଣ ଗାର୍ଡ ଓ ୯ ଟି କୁକୁର ରଖିଛନ୍ତି। ଏହି ଆମ୍ୱକୁ ‘ଏଗ ଅଫ ସନ୍’ ଅର୍ଥାତ ସୁର୍ୟ୍ୟଙ୍କ ଅଣ୍ଡା ମଧ୍ୟ କୁହାଯାଏ। ଏହା ହେଉଛି ଜାପାନରେ ମିଳୁଥିବା ଏକ ଦୁର୍ଲଭ ପ୍ରଜାତିର ଆମ୍ୱ।
Powered by Froala Editor