ରେଡ୍ କାର୍ପେଟରେ ସମସ୍ତଙ୍କ ହୃଦୟ ଜିତିଲେ ମେମେ ଖାନ୍
ମେ’ ୧୭ରୁ ଆରମ୍ଭ ହୋଇଯାଇଛି କାନ୍ସ ଫିଲ୍ମ ଫେଷ୍ଟିଭାଲ। ବିଦେଶୀ ସେଲେବ୍ରିଟିମାନଙ୍କ ସମେତ ଦେଶର ପ୍ରସିଦ୍ଧ ସେଲେବ୍ରିଟିମାନେ ମଧ୍ୟ ଏହି ଇଭେଣ୍ଟରେ ଭାଗ ନେଇଛନ୍ତି। ତେବେ ଚଳିତ ଥର ଏହି ଫିଲ୍ମ ଫେଷ୍ଟିଭାଲରେ ରାଜସ୍ଥାନୀ ଲୋକ ଗାୟକ ମାମେ ଖାନ୍ ମଧ୍ୟ ଭାଗ ନେଇଛନ୍ତି। ସେ ରେଡ୍ କାର୍ପେଟ୍ରେ ଚତ୍ମକାର ପ୍ରଦର୍ଶନ କରି ସମସ୍ତଙ୍କ ହୃଦୟ ଜିତିଛନ୍ତି। ଏହି ରାଜସ୍ଥାନୀ ଗାୟକ ଜଣକ କାନ୍ସ ରେଡ୍ କାର୍ପେଟ୍ରେ ଗୋଲାପୀ ରଙ୍ଗର କୁର୍ତା ଏବଂ ଏମ୍ବ୍ରୋଡରୀ ଜ୍ୟାକେଟ୍ ପିନ୍ଧି ପୂରାପୁରି ଦେଶୀ ଅନ୍ଦାଜରେ ଏଣ୍ଟ୍ରି କରିଥିଲେ। ଏହି ସମୟରେ ସେ ନିଜ ମୁଣ୍ଡରେ ରାଜସ୍ଥାନୀ ପଗଡି ପିନ୍ଧିଥିଲେ।
ଫ୍ରାନ୍ସରେ ଆୟୋଜିତ କାନ୍ସ ଫିଲ୍ମ ଫେଷ୍ଟଭାଲ୍ରରେ ଯୋଗ ଦେଇଛନ୍ତି ଭାରତର ୧୧ ଜଣିଆ ଟିମ୍। ଏହି ୧୧ ଜଣ ରେଡ୍କାର୍ପେଟ୍ରେ ଚାଲିଥିଲେ। କେନ୍ଦ୍ର ସୂଚନା ପ୍ରସାରଣ ମନ୍ତ୍ରୀ ଅନୁରାଗ ଠାକୁରଙ୍କ ନେତୃତ୍ୱରେ ଏହି ଟିମ୍ରେ ଫିଲ୍ମ ଫେଷ୍ଟିଭାଲ୍ରେ ଯୋଗ ଦେଇଛନ୍ତି। ଟିମ୍ରେ ତମନ୍ନା ଭାଟିଆ, ଐଶ୍ୱର୍ଯ୍ୟା ରାୟ, ହୀନା ଖାନ୍, ଆର୍.ମାଧବନ, ରାକି କେଜ୍, ପ୍ରସନ ଜୋଶୀ, ନୱାଜୁଦ୍ଦିନ ସିଦ୍ଦିକି, ଶେଖର କପରୁ ଏବଂ ଅନୁରାଗ ଠାକୁର ପ୍ରମୁଖ କାନ୍ସ ଫିଲ୍ମ ଫେଷ୍ଟାଭାଲ୍ରେ ଭାରତକୁ ପ୍ରତିନିଧିତ୍ୱ କରିଛନ୍ତି।
Powered by Froala Editor
