ଏସିଆରେ ଅଛନ୍ତି ସର୍ବାଧିକ ଶାକାହାରୀ ପିଲା
ମାଂସାଶୀ ପିଲାଙ୍କ ତୁଳନାରେ ଶାକାହାରୀ ପିଲାଙ୍କ ଓଜନ ଅଧାରୁ କମ୍ ହୋଇପାରେ । ଖାଦ୍ୟପେୟ ଯୋଗୁ ଏପରି ହୋଇପାରେ ବୋଲି ୨ରୁ ୫ ବର୍ଷ ବୟସ ପିଲାଙ୍କ ଉପରେ କରାଯାଇଥିବା ଅଧ୍ୟୟନରେ ସ୍ପଷ୍ଟ ହୋଇଛି । ଟରଣ୍ଟୋର ସେଣ୍ଟ୍ ମିଶେଲ୍ସ ହସ୍ପିଟାଲର ନେତୃତ୍ୱରେ କରାଯାଇଥିବା ଅଧ୍ୟୟନ ରେ ଏହି ଖୁଲାସା ହୋଇଛି । ଗବେଷକ ମାନେ ୯ ହଜାର ପିଲାଙ୍କୁ ଅଧ୍ୟୟନରେ ସାମିଲ କରିଥିଲେ । ଏଥିରେ ମୋଟ୍ ୨୫୦ ଜଣ ଶାକାହାରୀ ପିଲାଙ୍କୁ ସାମିଲ କରାଯାଇଥିଲା ।
ସେମାନଙ୍କର ଉଚ୍ଚତା , ବଡି ମଣ୍ଡେକ୍ସ ଓ ଗ୍ରହଣ କରୁଥିବା ପୋଷକ ତତ୍ତ୍ୱ ହାରାହାରୀ ମାଂସ ଖଉଥିବା ପିଲାଙ୍କ ସହ ସମାନ ଥିଲା । କିନ୍ତୁ ଯେତେବେଳେ ଏମାନଙ୍କ ବିଏମଆଇର ଗଣନା କରାଗଲା, ଶାକାହାରୀ ପିଲାଙ୍କ ଓଜନ କମ୍ ରହିବାର ସମ୍ଭାବନା ୯୪ ପ୍ରତିଶତ ପର୍ଯ୍ୟନ୍ତ ବୋଲି ଜଣାପଡିଥିଲା । ଅଧ୍ୟୟନରେ ୮,୭୦୦ ମାଂସଶୀ ପିଲାଙ୍କଠାରୁ ୭୮ ପ୍ରତିଶତ ପିଲାଙ୍କ ଓଜନ ବୟସ ହିସାବରେ ଠିକ୍ ଥିଲା । ଅନ୍ୟପକ୍ଷରେ, ଉଚିତ ଓଜନ ବିଶିଷ୍ଟ ୭୯ ପ୍ରତିଶତ ଶାକାହାରୀ ପିଲା ଥିଲେ । ବୟସ ହିସାବରେ କମ ଓଜନର ପିଲାଙ୍କୁ ଯେତେବେଳେ ଖୋଜାଗଲା, ମାଂସାଶୀଙ୍କ ମଧ୍ୟରେ କେବଳ ୩ପ୍ରତିଶତ ହିଁ କମ ଓଜନର ମିଳିଲେ ।
ଏ ମାମଲାରେ ଶାକାହାରୀ ପିଲାଙ୍କ ସଂଖ୍ୟା ୬ ପ୍ରତିଶତ ଥିଲା । ଏହି ଆଧାରରେ ଶାକାହାରୀ କମ୍ ଓଜନର ହେବା ଆଶଙ୍କା ବେଶି ବୋଲି ବୈଜ୍ଞାନିକମାନେ କହିଛନ୍ତି । ଗବେଷଣାରୁ ଜଣାପଡିଲା ,ମାଂସ ଖାଉଥିବା ପିଲାଙ୍କଠାରେ ମେଦବୃଦ୍ଧି ଆଶଙ୍କା ବେଶି । ଏସିଆର ଅଧିକାଂଶ ପିଲା ଶାକାହାରୀ । ଅଧ୍ୟୟନରେ ସାମିଲ ଶିଶୁ ରୋଗ ବିଶେଷଜ୍ଞ ଜୋନଥନ ମାଗୁରି କହିଛନ୍ତି ,ଭରତ ଓ ଆମେରିକାରେ ପିଲାଙ୍କ ବିକାଶର ମାପ ଅଲଗା । ଭାରତରେ ୩ ବର୍ଷ ଝିଅ ଓଜନ ୧୭ କିଲୋ , ଉଚ୍ଚତା ୧୦୮ସେଣ୍ଟିମିଟର ହେବା ଉଚିତ୍ । ଅନ୍ୟପକ୍ଷେ ଆମେରିକାରେ ୧୮ କିଲୋ ହେବା ଉଚିତ୍ ।
Powered by Froala Editor