ରୋପୱେ ଦୁର୍ଘଟଣାରେ ଦୁଇ ମହିଳାଙ୍କ ମୃତ୍ୟୁ, ଉଦ୍ଧାର କାର୍ଯ୍ୟରେ ନିୟୋଜିତ ବାୟୁସେନା ହେଲିକପ୍ଟର
ଝାଡ଼ଖଣ୍ଡର ଦେଓଘର ନିକଟ ତ୍ରିକୁଟ ପାହାଡ଼ ଶିଖରରେ ରବିବାର ସନ୍ଧ୍ୟାରେ ଘଟିଥିବା ରୋପୱେ ଦୁର୍ଘଟଣାରେ ଦୁଇ ମହିଳାଙ୍କ ମୃତ୍ୟୁ ହୋଇଛି । ତେବେ ଏବେବି ଆହୁରି ୫୦ ପର୍ଯ୍ୟଟକ ୨୦୦୦ଫୁଟ ଉଚ୍ଚତାରେ ଫସି ରହିଛନ୍ତି । ଉଦ୍ଧାର କାର୍ଯ୍ୟରେ ବାୟୁସେନାର ଦୁଇଟି ହେଲିକପ୍ଟର ମଧ୍ୟ ନିୟୋଜିତ କରାଯାଇଛି । ପ୍ରଥମେ ଏନଡିଆରଏଫ ଟିମ୍ ନିୟୋଜିତ ହୋଇଥିବା ବେଳେ ପରେ ସେନାର ସହାୟତା ନିଆଯାଇଛି। ସେନା ହେଲିକପ୍ଟର ସହାୟତାରେ ଯାତ୍ରୀଙ୍କୁ ଉଦ୍ଧାର କରିବା ପାଇଁ ଚେଷ୍ଟା ଚାଲିଛି। ଖାଦ୍ୟ ଏବଂ ପାନୀୟ ଜଳ ସେମାନଙ୍କ ନିକଟରେ ପହଞ୍ଚାଯାଉଛି । ସେପଟେ ଫସିରହିଥିବା ପରିବାର ସଦସ୍ୟଙ୍କ ଧୈର୍ଯ୍ୟ ମଧ୍ୟ ସୀମା ଟାପିଲାଣି ।
ସୂଚନା ଥାଉକି, ରହିବାର ସନ୍ଧ୍ୟାରେ ଦେଓଘର ଠାରୁ ୨୨କିଲୋମିଟର ଦୂରରେ ଥିବା ତ୍ରିକୁଟ୍ ପର୍ବତରେ ଏକ ବଡ଼ ଦୁର୍ଘଟଣା ଘଟିଥିଲା । ରାମ ନବମୀ ଅବସରରେ ବହୁ ସଂଖ୍ୟାରେ ଆସିଥିବା ପର୍ଯ୍ୟଟକମାନେ ରୋପୱେରେ ଚଢି ରୋମାଞ୍ଚକର ମଜା ନେଉଥିଲେ । ତା’ପରେ ତାର ଛିଡିଯିବା କାରଣରୁ ଏକ ଟ୍ରଲି ତଳକୁ ଖସି ପଡିଥିଲା । ଏହି ଦୁର୍ଘଟଣାରେ ଦୁଇଜଣ ମହିଳାଙ୍କର ମୃତ୍ୟୁ ହୋଇଥିବାବେଳେ ଅନେକ ପର୍ଯ୍ୟଟକ ଆହତ ହୋଇଛନ୍ତି । ସେମାନଙ୍କ ମଧ୍ୟରେ ଶିଶୁ ଏବଂ ମହିଳାଙ୍କ ଅବସ୍ଥା ଗୁରୁତର ଥିବା କୁହାଯାଉଛି ।
Powered by Froala Editor
