ଭାରତ ସଡକ ଦୁର୍ଘଟଣାରେ ବିଶ୍ୱରେ ପ୍ରଥମ
ନୂଆଦିଲ୍ଲୀ: ବିଶ୍ୱରେ ସର୍ବାଧିକ ସଡକ ଦୁର୍ଘଟଣା ଭାରତରେ ହେଉଥିବା କେନ୍ଦ୍ର ସଡକ ପରିବହନ ମନ୍ତ୍ରୀ ନିତିନ୍ ଗଡକରି ରାଜ୍ୟସଭାରେ ସୂଚନା ଦେଇଛନ୍ତି । ୱାର୍ଲ୍ଡ ରୋଡ ଷ୍ଟାଟିଷ୍ଟିକ୍ସ (୨୦୧୮) ରିପୋର୍ଟକୁ ଭିତ୍ତି କରି ରାଜ୍ୟସଭାରେ ଏକ ଲିଖିତ ପ୍ରଶ୍ନର ଉତ୍ତର ଦେଇ ଗଡକରୀ କହିଛନ୍ତି, ପ୍ରତି ବର୍ଷ ଭାରତରେ ସର୍ବାଧିକ ବ୍ୟକ୍ତି ସଡକ ଦୁର୍ଘଟଣାରେ ପ୍ରାଣ ହରାଇଥାନ୍ତି । ସଡକ ଦୁର୍ଘଟଣାରେ ଆହତ ହେଉଥିବା ବ୍ୟକ୍ତିଙ୍କ ତାଲିକାରେ ମଧ୍ୟ ଭାରତର ସ୍ଥାନ ତୃତୀୟରେ ରହିଛି ।
୨୦୨୦ରେ ଭାରତରେ ହୋଇଥିବା ସଡକ ଦୁର୍ଘଟଣା ଜନିତ ମୃତୁ୍ୟର ୬୯.୮% ୧୮ରୁ ୪୫ ବର୍ଷ ବର୍ଗରେ ରହିଛି । ୨୦୨୦ରେ ଦେଶରେ ସମୁଦାୟ ୩ଲକ୍ଷ, ୫୪ହଜାର ୭୯୬ ସଡକ ଦୁର୍ଘଟଣା ହୋଇଥିବାବେଳେ ଏଥିରେ ୧ଲକ୍ଷ ୩୩ହଜାର ୨୦୧ଜଣଙ୍କର ମୃତୁ୍ୟ ହୋଇଛି । ୩ଲକ୍ଷ ୩୫ହଜାର ୨୦୧ଜଣ ଆହତ ହୋଇଛନ୍ତି । ଦ୍ରୁତ ଗାଡିଚାଳନା ୬୦% ସଡକ ଦୁର୍ଘଟଣାର କାରଣ । ୪୩.୬% ସଡକ ଦୁର୍ଘଟଣା ଦୁଇ ଚକିଆଯାନ, ୧୩.୨% କାର୍, ୧୨.୮% ଟ୍ରକ ଏବଂ ୩.୧% ବସ୍ ଦ୍ୱାରା ହୋଇଛି ।
Powered by Froala Editor
