ବ୍ରାଉନସୁଗର ଜବତ, ୨ ଗିରଫ
ଭୁବନେଶ୍ୱର: ପୁରୀ ବାସେଳିସାହି ପୁଲିସ ଦ୍ୱାରା ୧୧୦ ଗ୍ରାମ ବ୍ରାଉନସୁଗର ଜବତ କରାଯାଇ ୨ ଜଣଙ୍କୁ ଗିରଫ କରାଯାଇଛି । ତେବେ ସବୁଠାରୁ ବଡ଼ କଥା ହେଲା ଯେ ଗିରଫ ୨ ଜଣଙ୍କ ମଧ୍ୟରେ ଜଣେ ନାବାଳକ ଥିବା ଜଣାଯାଇଛି । ଜବତ ବ୍ରାଉନସୁଗରର ଆନୁମାନିକ ମୂଲ୍ୟ ୧୧ଲକ୍ଷ ଟଙ୍କା ହେବ ବୋଲି ଜଣାଯାଇଛି । ଅନ୍ୟପକ୍ଷରେ ଗିରଫ ଅଭିଯୁକ୍ତମାନଙ୍କ ଠାରୁ ନଗଦ ୧୧ ହଜାର ଟଙ୍କା, ୯ଟି ମୋବାଇଲ ଓ ୨ଟି ବାଇକ ଜବତ କରାଯାଇଛି ।
ପ୍ରକାଶ ଯେ, ରାଜ୍ୟରେ କମୁନି ଧଳା ଜହର ବେପାର । ବାରମ୍ବାର ଚଢଉ ପରେ ବି ବ୍ରାଉନସୁଗର ବେପାର ବେଧଡ଼କ ଚାଲୁଛି । ଏହି କାରବାରରେ ଲାଗିପାରୁନି ବ୍ରେକ । ପୁଲିସ ଠାରୁ ଆରମ୍ଭ କରି ଏସଟିଏଫ ଜୋରଦାର ଚଢଉ କରିଆସୁଥିଲେ ହେଁ ନିଶା ମାଫିଆମାନଙ୍କ ଉପରେ ଏହାର ପ୍ରଭାବ ପଡ଼ୁନି ।
Powered by Froala Editor
