ଇସଲାମାବାଦ : ପାକିସ୍ତାନରେ ଏବେ ରାଜନୈତିକ ସଂକଟ ସୃଷ୍ଟି ହୋଇଛି  । ଆଜି ପାକ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ବିରୋଧରେ ଆସିଥିବା ଅନସ୍ଥା ପ୍ରସ୍ତାବ ଉପରେ ଭୋଟ ହେବ  । ଯଦି ଇମ୍ରାନ ଅନାସ୍ଥାରେ ହାରିବେ ତେବେ ତାଙ୍କୁ ଗିରଫ କରାଯିବାର ବି ଆଶଙ୍କା ରହିଛି  । ପାକିସ୍ତାନ ରାଜନୈତିକ ଇତିହାସରେ ଅତୀତରେ ଅନେକ ବାର ଏଭଳି ଅଗଣତାନ୍ତ୍ରିକ ଓ ଅସାମ୍ବିଧାନିକ ପ୍ରକ୍ରିୟା ଦେଖିବାକୁ ମିଳିଛି  । ଶାସନରେ ଥିବା ବ୍ୟକ୍ତି ଯଦି ପଦଚ୍ୟୁତ ହୁଏ ତେବେ ଫାଶୀ ଓ ଜେଲ ଦଣ୍ଡାଦେଶ ଭଳି ଘଟଣା ବି ଦେଖିବାକୁ ମିଳିଛି  ।

ପାକିସ୍ତାନ ସଂସଦର ନିମ୍ନ ସଦନରେ ୩୪୨ ସଦସ୍ୟ ଥିବାବେଳେ ଅନାସ୍ଥାରୁ ବର୍ତ୍ତିବା ପାଇଁ ଅତିକମରେ ୧୭୨ ଜଣ ସଦସ୍ୟଙ୍କ ସମର୍ଥନ ଆବଶ୍ୟକତା ରହିଛି  ।  ତେବେ ବିରୋଧୀ ତାଙ୍କ ପାଖରେ ୧୭୫ ଜଣ ସଦସ୍ୟଙ୍କ ସମର୍ଥନ ଥିବା କହୁଥିବାବେଳେ ଇମ୍ରାନ ଖାନ ତୁରନ୍ତ ଇସ୍ତଫା ଦିଅନ୍ତୁ ବୋଲି ଦାବି ହୋଇଛି  । ଅପରପକ୍ଷରେ ଆଜି ଇମ୍ରାନଙ୍କ ଦଳ ପକ୍ଷରୁ ପାକିସ୍ତାନର ଅନେକ ସ୍ଥାନରେ ବିକ୍ଷୋଭ ପ୍ରଦର୍ଶନ କରାଯାଉଥିବା ଦେଖିବାକୁ ମିଳିଛି  । ଇମ୍ରାନଙ୍କ ଉପରେ ପାକ ସେନାର ସର୍ବୋଚ୍ଚ ଅଧିକାରୀମାନେ ବି ସନ୍ତୁଷ୍ଟ ନଥିବା ଜାଣିବାକୁ ମିଳିଛି  । ତେଣୁ ସେ ପଦଚ୍ୟୁତ ହେଲେ ଗିରଫ ହୋଇପାରନ୍ତି ବୋଲି କୁହାଯାଉଛି  ।

ଅପରପକ୍ଷରେ ଆଗାମୀ ନିର୍ବାଚନରେ ପାକରେ ଇଭିଏମ ମେସିନ ବ୍ୟବହାର ସହ ବିଦେଶରେ ରହୁଥିବା ପାକିସ୍ତାନୀମାନଙ୍କୁ ଭୋଟ ଅଧିକାର ଦେବା ପାଇଁ ଇମ୍ରାନଙ୍କ ପିଟିଆଇ ନିଷ୍ପତି ନେଇଛି  । ତେଣୁ ପୁଣି ଥରେ ପାକରେ ନିର୍ବାଚନ କରିବା ସହ ବହୁ ସଂଖ୍ୟାରେ ବିଜୟୀ ହେବା ପାଇଁ ଇମ୍ରାନ ଯୋଜନା କରିଛନ୍ତି  । ଇତିମଧ୍ୟରେ ଇମ୍ରାନଙ୍କ ଖାସ ସହଯୋଗୀମାନେ ଏନେଇ ବିଭିନ୍ନ ରାଜ୍ୟ ବୁଲି ପ୍ରସ୍ତୁତି ଆରମ୍ଭ କରିଦେଇଥିବା ଜାଣିବାକୁ ମିଳିଛି  । 

Powered by Froala Editor