ପୁରୀ: ବହୁ ଚର୍ଚ୍ଚିତ ବରିଷ୍ଠ କୃଷ୍ଣ ଚନ୍ଦ୍ର ପ୍ରତିହାରୀ ହତ୍ୟା ମାମଲାରେ ଜୋରଦାର୍ ତଦନ୍ତ ଚଳାଇଛି ପୋଲିସ୍ । ଫେରାର ଥିବା ୩  ଅଭିଯୁକ୍ତଙ୍କୁ ପୋଲିସ୍ ଅଟକ ରଖିଥିବା ନେଇ ପୁରୀ ଏସପି ସୂଚନା ଦେଇଛନ୍ତି । ଅଟକ ରହିଥିବା ୩ଜଣଙ୍କ ମଧ୍ୟରେ କୁନୁମୁନ ସୁଆର, ଟୁଟୁ ମହାପାତ୍ର ଓ ହରି ପଣ୍ଡା ରହିଛନ୍ତି ।

 
ବିଶେଷ ସୂତ୍ରରୁ ସୂଚନା ଅନୁସାରେ କୋରାପୁଟରେ ଏହି ୩ଜଣ ଲୁଚି ରହିଥିଲେ ।  ଗତକାଲି କୋରାପୁଟ ସହରରୁ ଏହି ୩ଜଣଙ୍କୁ ଧରି ଆଣି ଅଟକ ରଖି ପୋଲିସ୍ ପଚରାଉଚରା କରୁଛି । ପୋଲିସର ପ୍ରାଥମିକ ତଦନ୍ତ ଅନୁସାରେ ଗୁନ ସିହାଂରୀ ହତ୍ୟା ମାମଲାର ପ୍ରତିଶୋଧ ପାଇଁ ଏହି ଗୁଳି ମାଡ ହୋଇଥିବା ସୂଚନା ମିଳିଛି ।

ସୂଚନା ଅନୁସାରେ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ କାଳିଆ ସିଂହାରୀ ଓ ଦୋଳଗୋବିନ୍ଦ ସିଂହାରୀଙ୍କୁ ପୁଲିସ ଗିରଫ କରିଥିଲା   । ଏମାନଙ୍କ ବ୍ୟତୀତ ହତ୍ୟାକାଣ୍ଡ କରିଥିବା ଓ ସହଯୋଗ କରିଥିବା ଅନ୍ୟ ୪ ଜଣଙ୍କୁ ମଧ୍ୟ ଗିରଫ କରିଥିଲା  । ଏମାନେ ହେଲେ ମୁନା ପାତ୍ର,  ସନ୍ଦୀପ ଜେନା, କାଳୁ ପାଣିଗ୍ରାହୀ ଓ ବାବୁ ମହାପାତ୍ର   ।

କୃଷ୍ଣଚନ୍ଦ୍ର ପ୍ରତିହାରୀ ଏକ ସାଇଟରେ ଥିବାବେଳେ ତାଙ୍କୁ ଏମାନେ ଅତର୍କିତ ଆକ୍ରମଣ କରିଥିଲେ   । ପୂର୍ବ ଶତ୍ରୁତା କାରଣରୁ ଏହି ଆକ୍ରମଣ ହୋଇଥିଲା ବୋଲି ପୁଲିସ ତଦନ୍ତରୁ ଜାଣିପାରିଛି   । ୬ ଅଭିଯୁକ୍ତଙ୍କୁ ଗିରଫ କରାଯିବା ସହ କୋର୍ଟ ଚାଲାଣ କରାଯିବ   । ଅଧିକ ତଥ୍ୟ ହାସଲ ପାଇଁ ସେମାନଙ୍କୁ ରିମାଣ୍ଡରେ ମଧ୍ୟ ଅଣାଯିବ   । କୃଷ୍ଣଚନ୍ଦ୍ରଙ୍କୁ ଗୁଳି କରି ସେମାନେ ହତ୍ୟା କରିଥିଲେ   । ଅଭିଯୁକ୍ତଙ୍କୁ ଧରିବା ପାଇଁ ପୁଲିସ ପକ୍ଷରୁ ବିଭିନ୍ନ ଟିମ ଗଠନ କରାଯାଇ ଚଢ଼ାଉ କରାଯାଇଥିଲା   ।

ସୂଚନା ଅନୁସାରେ ପୁରୀ ବାରବାଟୀ ନିକଟରେ କୃଷ୍ଣଚନ୍ଦ୍ର ପ୍ରତିହାରୀଙ୍କ ମୁଣ୍ଡକୁ ଦୁର୍ବୃତ୍ତମାନେ ଗୁଳି ମାରିଥିଲେ   ।  ଗୁଳିପରେ କୃଷ୍ଣଚନ୍ଦ୍ର ପ୍ରତିହାରୀଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ ଡାକ୍ତରଖାନା ନିଆଯାଇଥିଲା   । ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥଲେ   ।
ଦୁଇ ଜଣ ଦୁର୍ବୃତ୍ତ ମୋଟର ସାଇକେଲରେ ଆସିଥିଲେ   । କୌଣସି ଏକ ଜାଗା ଡିଲ ବାବଦରେ ଆଲୋଚନା ହୋଇଥିଲା   । ଏହପରେ ଦୁର୍ବୃତ୍ତମାନେ ତାଙ୍କୁ ଗୁଳି କରିଥିଲେ   । ୩ରାଉଣ୍ଡ ଗୁଳି ଜିରୋ ରେଞ୍ଜରୁ  ଫୁଟିଥିବା ସୂଚନା ମିଳିଥିଲା   ।

Powered by Froala Editor