ପାକିସ୍ତାନରେ ବିସ୍ଫୋରଣ, ପଞ୍ଜାବ ଯାଏ ଶୁଭିଲା
ପାକିସ୍ତାନ ସିଆଲକୋଟ୍ର କ୍ୟାଣ୍ଟୋମେଣ୍ଟ ଅଞ୍ଚଳରେ ଭୟଙ୍କର ବିସ୍ଫୋରଣ ହୋଇଛି। ସିଆଲକୋଟ ସ୍ଥିତ ମିଲିଟାରୀ ବେସ୍ରେ ଥିବା ଅସ୍ତ୍ର ଡିପୋରେ ଏହି ବିସ୍ଫୋରଣ ହୋଇଥିବା କୁହାଯାଇଛି। ବିସ୍ଫୋରଣ ଏତେ ଭୟଙ୍କର ଥିଲା ଯେ ଏହା ପଞ୍ଜାବର ଛାୱନୀ ଅଞ୍ଚଳ ଯାଏଁ ଶୁଣିବାକୁ ମିଳିଥିଲା। ବିସ୍ଫୋରଣ କାରଣରୁ ବଡ଼ କ୍ଷୟକ୍ଷତିର ଆଶଙ୍କା କରାଯାଉଛି।
ସେପଟେ ଏହି ବିସ୍ଫୋରଣରେ କେହି ମୃତାହତ ହୋଇନଥିବା ସ୍ଥାନୀୟ ଲୋକେ କହିଛନ୍ତି। ଅନ୍ୟପଟେ ପାକିସ୍ତାନ ପକ୍ଷରୁ ମଧ୍ୟ ବର୍ତ୍ତମାନ ଯାଏଁ ଏହି ଘଟଣା ନେଇ କୌଣସି ସୂଚନା ମିଳିନାହିଁ।
ଏହି ଘଟଣାର ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେଉଛି । ଏହି ଭିଡ଼ିଓକୁ ନେଇ ଦାବି କରାଯାଉଛି ଯେ ପୂର୍ବରୁ ଏଠାରେ ଅନେକ ବଡ଼ ବଡ଼ ବିସ୍ଫୋରଣ ହୋଇଛି । ସିଆଲକୋଟ୍ ରେ ସେନା ଶିବିର ବହୁତ ପୁରଣା ଏବଂ ଏହା ପାକିସ୍ତାନୀ ସେନାଙ୍କ ଗୁରୁତ୍ୱପୂର୍ଣ୍ଣ ସେନା ଶିବିର ଯାହା ସହର ସହ ଲାଗିରହିଛି ଏବଂ ଏହାର ସ୍ଥାପନା ୧୮୫୨ରେ ବ୍ରିଟିଶ ଭାରତୀୟ ସେନା ଦ୍ୱାରା କରାଯାଇଥିଲା ।
Powered by Froala Editor
