ମୁଶାରଫଙ୍କ ସହ ସଞ୍ଜୟଙ୍କୁ ଦେଖି ଲୋକେ କହିଲେ ଏମିତି...
ବଲିଉଡ ଅଭିନେତା ସଞ୍ଜୟ ଦତ୍ତଙ୍କ ପାକିସ୍ତାନର ପୂର୍ବତନ ରାଷ୍ଟ୍ରପତି ପରଭେଜ ମୁଶାରଫଙ୍କ ସହ ଦେଖିବାକୁ ମିଳିଛି । ତେବେ ଦୁହିଁଙ୍କୁ ଏକାଠି ଦେଖି ଲୋକେ ଟ୍ରୋଲ କରିବା ଆରମ୍ଭ କଲେଣି । ସୋଶାଲ ମିଡିଆରେ ଉଭୟଙ୍କ ଫଟୋ ଭାଇରାଲ ହେବା ପରେ ଏହାକୁ ନେଇ ଚର୍ଚ୍ଚା ଚାଲିଛି । ଏପରିକି କିଛି ଲୋକ ଏହା ସଂଯୋଗବଶଃତ ସାକ୍ଷାତ ବୋଲି କହୁଥିବା ବେଳେ ଆଉ କିଛି ଏହା ଠିକ୍ ନୁହେଁ ବୋଲି କହି ସଞ୍ଜୟ ଦତ୍ତଙ୍କୁ ଖୁବ୍ ଟ୍ରୋଲ କରିଛନ୍ତି।
ଉଭୟଙ୍କ ମଧ୍ୟରେ ଦୁବାଇରେ ଏହି ସାକ୍ଷାତକାର ହୋଇଥିଲା ।ଫଟୋରେ ମୁଶାରଫ ହ୍ୱିଲ୍ ଚେୟାରରେ ବସିଥିବା ଦେଖିବାକୁ ମିଳିଛି । ସଞ୍ଜୟ ତାଙ୍କ ସହ କିଛି କଥା ହେଉଥିବା ମଧ୍ୟ ନଜର ଆସିଛି । ତେବେ ଫଟୋକୁ ଦେଖି କିଛି ୟୁଜର ମୁଶାରଫଙ୍କ ଆରୋଗ୍ୟ କାମନା କରିଛନ୍ତି । ଆଉ କିଛି ମୁଶାରଫଙ୍କୁ ଭେଟିବା ଟିକ୍ ନୁହେଁ ବୋଲି କହିଛନ୍ତି । ଆଉ କିଛି କାରଗିଲର ମାଷ୍ଟରମାଇଣ୍ଡକୁ ସଞ୍ଜୟ ସାକ୍ଷାତ କରିଥିବାରୁ ଟ୍ରୋଲ୍ କରିଛନ୍ତି । ସେହିପରି ଆଉ କେହି ସଞ୍ଜୟଙ୍କ ପସନ୍ଦ ଡ୍ରଗ, ନିଶା, ବନ୍ଧୁକ ଓ ଦାଉଦ ଇବ୍ରାହିମ ବୋଲି କହିଛନ୍ତି ।
Powered by Froala Editor
