ଡ୍ୟାମରୁ ଯୁବକଙ୍କ ମୃତଦେହ ଉଦ୍ଧାର
ଲାଞ୍ଜିଗଡ: ଲାଞ୍ଜିଗଡ଼ ବ୍ଲକ ଅର୍ନ୍ତଗତ ଭଟ୍ଟାଙ୍ଗପଦର ସ୍ଥିତ ଏକ ଡ୍ୟାମରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହେବା ଘଟଣା ଅଞ୍ଚଳରେ ଚର୍ଚ୍ଚାର ପରିସରକୁ ଆସିଛି । ସୂଚନା ଅନୁସାରେ ହାତୀଗାଁର ହରି ମାଝୀ (୩୦) ନାମକ ଜଣେ ଯୁବକ ତାଙ୍କ ଶ୍ବଶୁର ଘର ରବିବାର ଦିନ କୋଲଗାଁକୁ ଯାଇଥିଲା । ରବିବାର ଦିନ ସନ୍ଧ୍ୟାରୁ ହିଁ ହରି ମାଝୀ ଘରୁ ବାହାରକୁ ଯାଇ ଫେରି ନଥିଲା । ତାଙ୍କ ସ୍ତ୍ରୀ ଓ ଶ୍ବଶୁର ଘର ଲୋକେ ଗତକାଲି ଦିନ ତମାମ ଖୋଜାଖୋଜି ପରେ ମଧ୍ୟ ପତ୍ତା ମିଳିନଥିଲା । ଆଜି ସକାଳୁ ସେହି ଗାଁର ଲୋକେ ଡ୍ୟାମକୁ ଶୈାଚ ପାଇଁ ଆସିଥିଲେ ଡ୍ୟାମ ମଝିରେ ଏକ ମୃତଦେହ ଭାସୁଥିବାର ଦେଖି ଭଟ୍ଟାଙ୍ଗପଦର ପଞ୍ଚାୟତର ସମିତିସଭ୍ୟ ରୂପେନ୍ଦ୍ର ଛର୍ତିଆଙ୍କୁ ଖବର ଦେଇଥିଲେ ପରେ ସଦରଥାନାକୁ ଖବର ଦେବା ପରେ ପୁଲିସ ଆସି ଶବ ଉଦ୍ଧାର କରିଥିଲେ । ପରେ ମୃତଦେହଟି ହରି ମାଝୀଙ୍କ ମୃତଦେହ ବୋଲି ଜଣାପଡିଥିଲା । ହେଲେ ହରି ମାଝୀଙ୍କ ମୃତ୍ୟୁ କେଉଁ କାରଣରୁ ହୋିଛି ତାହା ଜଣାପଡ଼ିନାହିଁ । ହରିଙ୍କ ମୃତ୍ୟୁ ହତ୍ୟା ନା ଆତ୍ମହତ୍ୟା ତାହା ଏ ଯାଏଁ ଷ୍ପଷ୍ଟ ହୋଇନାହିଁ । ସଦରଥାନା ପୁଲିସ ମୃତଦେହ ଜବତ କରିବା ସହ ଶବ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିଛି । ଘଟଣାକୁ ନେଇ ପୁଲିସ ତଦନ୍ତ ଚଳାଇଛି ।
Powered by Froala Editor
