ଶିଶୁ କନ୍ୟାର ବାପା ହେଲେ ଏଲୋନ
![ଶିଶୁ କନ୍ୟାର ବାପା ହେଲେ ଏଲୋନ](https://odishanewslens.com/news_gallery/11553_1646994648.jpg)
ବିଶ୍ୱର ଏକ ନମ୍ବର ଧନୀ ବ୍ୟକ୍ତି ଏଲୋନ ମସ୍କ ଏବଂ ହଲିଉଡ୍ର ପ୍ରସିଦ୍ଧ ଗାୟିକା ଗ୍ରିମସ ପୁଣି ଥରେ ମାତାପିତା ହୋଇଛନ୍ତି। ସପ୍ତମ ଥର ପାଇଁ ଏଲୋନ ମସ୍କ ବାପା ହୋଇଛନ୍ତି। ୩୩ ବର୍ଷୀୟ ଗ୍ରିମ୍ସ ଭ୍ୟାନିଟି ଫେୟାର ମାଗାଜିନର ଏପ୍ରିଲ ମାସର ସଂସ୍କରଣରେ ଏ ନେଇ ଖୁଲାସା କରିଛନ୍ତି। ଏହାପୂର୍ବରୁ ଗ୍ରିମ୍ସ ଏବଂ ଏଲୋନ ମସ୍କଙ୍କ X Æ A-12 ନାମକ ୨ ବର୍ଷର ଏକ ପୁତ୍ର ସନ୍ତାନ ଅଛି।
ଏବେ ଏହି ଦମ୍ପତି ସରୋଗେସି ମାଧ୍ୟମରେ ଡିସେମ୍ବର ୨୦୨୧ରେ ସେମାନଙ୍କର ଦ୍ୱିତୀୟ ଶିଶୁ କନ୍ୟାକୁ ଗୁପ୍ତ ଭାବରେ ସ୍ବାଗତ କରିଛନ୍ତି। ଶିଶୁର ସମ୍ପୂର୍ଣ୍ଣ ନାମ ହେଉଛି ଏକ୍ସା ଡାର୍କ ସିଡେରାଏଲ (Exa Dark Siderael) ଏବଂ ଡାକ ନାମ ଓ୍ବାଇ ରହିଛି। ଏହା ଏଲୋନ ମସ୍କଙ୍କ ସପ୍ତମ ଛୁଆ। ଏହା ପୂର୍ବରୁ ତାଙ୍କ ପ୍ରଥମ ପତ୍ନୀ Justine Wilsonଙ୍କ ୫ଟି ପୁଅ ଅଛନ୍ତି। ଏହି ୫ ଜଣ ପୁଅଙ୍କ ନାଁ Xavier Musk, Griffin Musk, Kai Musk, Saxon Musk ଏବଂ Damian Musk ରଖିଛନ୍ତି ଏଲୋନ।
ସିପ୍ଟେମ୍ବର ୨୦୨୧ରେ ଏଲୋନ ଏବଂ ଗ୍ରିମ୍ସଙ୍କ ବ୍ରେକ୍ଅପ୍ ହୋଇଯାଇଥିଲା। ଦୁହେଁ ତିନି ବର୍ଷ ଯାଏଁ ପରସ୍ପରଠାରୁ ଅଲଗା ରହିବା ପରେ ନିଜ ସମ୍ପର୍କକୁ ଭାଙ୍ଗି ଦେଇଥିଲେ। ଏବେ କିନ୍ତୁ ପୁଣି ଥରେ ଏଲୋନ ଏବଂ ସେ ଏକାଠି ହୋଇଥିବା ନେଇ ଗ୍ରିମ୍ସ କହିଛନ୍ତି।
ଗ୍ରିମ୍ସ କହିଛନ୍ତି, ଆମେ ଦୁହେଁ ଉତ୍ତମ ବନ୍ଧୁ। ଅଲଗା ଅଲଗା ଘରେ ରହୁଥିଲେ ମଧ୍ୟ ଉଭୟଙ୍କ ମଧ୍ୟରେ ବୁଝାମଣା ରହିଛି। ଆମେ ଅଧିକାଂଶ ସମୟରେ ପରସ୍ପରକୁ ଭେଟିଥାଉ। ମୁଁ ମସ୍କଙ୍କ ସହ ଖୁସି ଅଛି।
Powered by Froala Editor