ପାଞ୍ଚ କିଲୋ ଚିଙ୍ଗୁଡ଼ି ଲାଞ୍ଚ ମାଗି ଏଏସଆଇ ନିଲମ୍ବିତ
ଭଦ୍ରକ: ଅଭିଯୁକ୍ତ ତାଲିକାରୁ ନାଁ କାଟିଦେବା ପାଇଁ ଚିଙ୍ଗୁଡ଼ି ମାଛ ଓ ଟଙ୍କା ମାଗିବା ମହଙ୍ଗା ପଡ଼ିଛି । ଭଦ୍ରକ ଜିଲ୍ଲା ଚାନ୍ଦବାଲି ଥାନା ଏଏସଆଇ ହରେକୃଷ୍ଣ ପାଢ଼ୀଙ୍କୁ । ଘଟଣାର ସତ୍ୟତା ପରଖିବା ପରେ ଭଦ୍ରକ ଏସପି ଚରଣ ସିଂ ମୀନା ସମ୍ପୃକ୍ତ ଏଏସଆଇଙ୍କୁ ଖାଲି ନିଲମ୍ବନ କରିନାହାନ୍ତି, କଠୋର କାର୍ଯ୍ୟାନୁଷ୍ଠାନ ପାଇଁ ପୂର୍ବାଞ୍ଚଳ ଜୋନ ଆଇଜିଙ୍କୁ ସୁପାରିଶ କରିଛନ୍ତି । ସୂଚନା ମୁତାବକ, ଏଏସଆଇ ଶ୍ରୀ ପାଢ଼ୀ ଜଣେ ବ୍ୟକ୍ତିଙ୍କ ନାାଁରେ ରୁଜୁ ହୋଇଥିବା ମାମଲାକୁ ରଫାଦଫା କରି ଦେବାକୁ କହି ତାଙ୍କୁ ୫ ହଜାର ଟଙ୍କା ଓ ପାଞ୍ଚ କିଲୋ ଚିଙ୍ଗୁଡ଼ି ମାଗିଥିଲେ । ଏତିକି ଜିନିଷ ମିଳିଲେ ସେ ଅଭିଯୁକ୍ତ ତାଲିକାରୁ ସମ୍ପୃକ୍ତ ବ୍ୟକ୍ତିଙ୍କ ନାଁ କାଟିଦେବେ ବୋଲି ମଧ୍ୟ ଅଭୟ ବାଣୀ ଶୁଣାଣିଥିଲେ । ତେବେ ଏଏସଆଇ ଓ ସମ୍ପୃକ୍ତ ବ୍ୟକ୍ତିଙ୍କ ଭିତରେ ମୋବାଇଲ ବାର୍ତ୍ତାଳାପ ସୋସିଆଲ ମିଡିଆରେ ଭାଇରାଲ ହେବା ପରେ ଏହାକୁ ନେଇ ଚାନ୍ଦବାଲିରେ ଚର୍ଚ୍ଚା ଜୋର ଧରିଥିଲା । ଜଣେ ତଳିଆ ଅଫିସରଙ୍କ ପାଇଁ ଜିଲ୍ଲା ପୁଲିସର ମୁଖିଆଙ୍କ ଆଡକୁ ଲୋକେ ଆଙ୍ଗୁଳି ମଧ୍ୟ ଉଠାଇଥିଲେ ।
Powered by Froala Editor
