ପୁରୀ: ପୁରୀ ରାଜଭବନରେ ମହାମହିମ ରାଷ୍ଟ୍ରପତି କାଲି ରାତ୍ରିଯାପନ କରିଛନ୍ତି । ରାତ୍ରିଭୋଜେନରେ ରାଷ୍ଟ୍ରପତି ନିରାମିଷ ଆହାର ଗ୍ରହଣ କରିଥିବାବେଳେ ପରିବାର ସଦସ୍ୟ ଆମିଷ ଭୋଜନ କରିଛନ୍ତି । ରାଷ୍ଟ୍ରୟପତି ଚପାତି, ଭେଣ୍ଡିମସଲା, ଭେଣ୍ଡିଭଜା ଓ କଖାରୁ ଲାଉରେ ପ୍ରସ୍ତୁତ ସ୍ୱତନ୍ତ୍ର ବଞ୍ଜନ ଖାଇଛନ୍ତି । ପରିବାରେ ସଦସ୍ୟମାନେ ଅନ୍ନ, ଚିଙ୍ଗୁଡି ତରକାରି ସହ ଛତୁ ବେସର ଓ ପନିର୍ ପସିନ୍ଦା ଖାଇଛନ୍ତି । ରାଷ୍ଟ୍ରପତିଙ୍କ ସମେତ ପରିବାରର ସଦସ୍ୟମାନେ ମିଠାରେ ରସଗୋଲା ଓ ଛେନାପୋଡ ଖାଇଛନ୍ତି ।
 ଖାଦ୍ୟ ପ୍ରସ୍ତୁତ କରିବା ପାଇଁ ରାଷ୍ଟ୍ରପତି ଭବନର ରୋଷେୟା ରାଷ୍ଟ୍ରପତିଙ୍କ ସହ ପୁରୀ ରାଜଭବନରେ ପହଞ୍ଚିଥିଲେ । ରାଷ୍ଟ୍ରପତି ପରିବାର ସହ ରାଜଭବନରେ ରାତ୍ରିଯାପନ କରିଥିବାବେଳେ କେତେଜଣ ସହଯୋଗୀ ପୁରୀସ୍ଥିତ ଏକ ଘରୋଇ ହୋଟେଲରେ ରହିଛନ୍ତି । ସହିଭଳି ସକାଳ ଜଳଖିଆରେ ଚା, କଫି, ଲେମ୍ବୁପାଣି, ୟାକୁଲ୍ଟ, ସୋୟା ମିଲ୍କ, ଫ୍ଲେଭରଡ ଯୋଗାର୍ଟ, କୋଲ୍ଡ ମିଲ୍କ, ହଟମିଲ୍କ, ବ୍ରାଉନ ବ୍ରେଡ, ହ୍ୱାଇଟ୍ ବ୍ରେଡ, ସ୍ଲାଇସ୍ ଇତ୍ୟାଦି ରହିଥିଲା । ଫଳରେ ତରଭୁଜ, ଅମୃତଭଣ୍ଡା, କଦଳୀ, ନାଶପାତି, କମଳା  ଇତ୍ୟାଦି ରହିଥିଲା । ଟିଫିନରେ ଇଡଲି, ନଡିଆ ଚଟଣି, ଟମାଟୋ ଚଟଣି, ଭେଜିଟେବବୁଲ, ଉପମା, ବରା, ପୁରି, ଆଳୁମଟର ତରକାରି, କୋବି ପରଟା ଓ ସମ୍ବର ଦୋଷା ଆଦି ବିକଳ୍ପ ଭାବେ ରହିଥିଲା । 
ମଧ୍ୟାହ୍ନ ଭୋଜନରେ ପୋଦିନା ଜୁସ, ଭର୍ଜିନ ମୋହିଟୋ, ମସଲା ଚାଟ, ପୋଦିନା ପନିର ଟିକା, ଭେଜିଟେବୁଲ ମିନି କଟଲେଟ୍, ମୁର୍ଘ ମଲାଇ ଟିକା, ଋଷିଆନ ସାଲାଡ, ସ୍ପାଇସ ଆପଲ କର୍ନ, ଡାଲ ପେଶୱାରର, ମସରୁମ୍ ଦେପ୍ୟାଜା, ଆଳୁ କଲରା ଚିପ୍ସ, ବେବିନ କର୍ନ ମସଲା ଆଦିର ବ୍ୟବସ୍ଥା ରହିଛି । ନିରାମିଷରେ ପନିର ବଟର ମସଲା, ମୋଟି ମଟର ଓ ଆମିଷରେ ଚିକେନ୍ କସା, ଗ୍ରୀଲ୍ଡ ଫିସ୍, ମଟନ ରୋଗାନ ଜୋଶ ରହିଛି । କଲିଫ୍ଲାୱାର ମଞ୍ଚୁରିୟାନ, ଏକ୍ସୋଟିକ୍ ଭେଜିଟେବୁଲ୍ସ, ସିଙ୍ଗାପୁର ନୁଡୁଲ, ଭେଜିଟେବୁଲ ପଲାଉ, ବଟର ନାନ ଭଳି ଅନେକ ବ୍ୟଞ୍ଜନ ରହିଛି । ମିଠାରେ ରସଗୋଲା, ଛେନା ଝିଲ୍ଲୀ, ମୁଗ ଡାଲି ହାଲୁଆ, ଅପେରା କେକ୍, କୋକାନଟ୍ ବ୍ଲୁ ବେରୀ ସ୍ୟାଡୋ ଓ ଭ୍ୟାନିଲା ଆଇସକ୍ରିମ୍ ରହିଛି ।

Powered by Froala Editor