ଶୀତଦିନେ ପ୍ରାୟତଃ ରୂପି ସମସ୍ୟା ଅଧିକ ଦେଖାଯାଇଥାଏ । ଏମିତିରେ ମଧ୍ୟ ଅନ୍ୟ ଦିନ ଗୁଡ଼ିକରେ କାର୍ଯ୍ୟବ୍ୟସ୍ତତା କାରଣରୁ ଆମେ ନିଜ ଚୁଟିର ଧ୍ୟାନ ନନେବା କାରଣରୁ ମଧ୍ୟ ଏହି ସମସ୍ୟା ଉପୁଜିଥାଏ । ଆଜିକାଲିର ପରିବେଶ ପ୍ରଦୂଷଣ ମଧ୍ୟ ଏଥିପାଇଁ ବିଶେଷ କରି ଦାୟୀ ହୋଇଥାଏ । କେଶ ସାହାର୍ଯ୍ୟ କରିଥାଏ ଆମର ସୌନ୍ଦର୍ଯ୍ୟ ବୃଦ୍ଧି କରିବାରେ । ସେଇଥିପାଇଁ କମ୍ ସମୟ ମଧ୍ୟରେ ବଜାରରୁ ଆମେ କିଣି ଆଣୁ ବିଭିନ୍ନ ପ୍ରକାରର କସମେଟକ୍ସ ଓ କେମିକାଲ ଯୁକ୍ତ ପ୍ରଡ଼କ୍ଟ ଯାହା କ୍ରମେ ଆମ କେଶକୁ ରୁକ୍ଷ କରିବା ସହ ଝଡ଼ବାରେ ମୁଖ୍ୟ ଭୁମିକା ନେଇଥାଏ । ତେଣୁ ଆମେ ପ୍ରାକୃତିକ ଉପାୟ ଅବଲମ୍ବନ କରି ଉପଶମ ଲାଭ କରିବା ନିତ୍ୟାନ୍ତ ଆବଶ୍ୟକ । କେଶ ଏବଂ କେଶ ମୂଳ ପାଇଁ ବାଦାମ ତେଲ ଅତ୍ୟନ୍ତ ଉପଯୋଗୀ ହୋଇଥାଏ। ଏଥିରେ ଭିଟାମିନ୍ ଇ, ପ୍ରୋଟିନ୍ ଏବଂ ଫଲିକ୍ ଏସିଡ୍ ରହିଥାଏ, ଯାହା କେଶକୁ ଚମକ ପ୍ରଦାନ କରିଥାଏ। ଏମିତିରେ ଯଦି ବାଦାମ ତେଲରେ କେଶ ମାଲିସ୍ କରାଯାଏ, ତା’ ହେଲେ କେଶର ସବୁ ସମସ୍ୟା ଦୂର ହୋଇ ପାରିବ। କିନ୍ତୁ କ’ଣ ଆପଣ ଜାଣିଛନ୍ତି କି, ଯଦି ଆପଣ ବାଦାମ ତେଲରେ କିଛି ଜିନିଷ ମିଶ୍ରଣ କରି ଲଗାଇବେ, ତା’ ହେଲେ କେଶକୁ ଆହୁରି ଚମକଦାର କରାଯାଇ ପାରିବ, ଯାହାଫଳରେ କେଶ ଆପଣଙ୍କର ଆକର୍ଷଣୀୟ ଦେଖାଯିବ। ଆସନ୍ତୁ ଜାଣିବା କେଶରେ ଆମେ କିପରି ଭାବେ ବାଦାମ ତେଲ ବ୍ୟବହାର କରି ପାରିବା।

ଲେମ୍ବୁ ରସ: ଯଦି ଆପଣ ବାଦାମ ତେଲ ସହିତ ଲେମ୍ବୁ ରସ ମିଶ୍ରଣ କରିବେ, ତ ଏମିତି କରିବା ଦ୍ୱାରା କେଶର ରୂପି ସମସ୍ୟା ଦୂର ହୋଇ ପାରିବ। ଏମିତିରେ ଆପଣଙ୍କୁ କେବଳ ଏକ ପାତ୍ରରେ କିଛି ବୁନ୍ଦା ବାଦାମ ତେଲ ଏବଂ କିଛି ବୁନ୍ଦା ଲେମ୍ବୁ ରସ ମିଶାଇବାକୁ ପଡ଼ିବ। ଏହାପରେ ଏହି ମିଶ୍ରଣକୁ ଆପଣ ନିଜ କେଶରେ ଲଗାଇ ପାରିବେ। ଏବେ ଆପଣଙ୍କୁ ହାଲୁକା ହାତରେ ନିଜ କେଶକୁ ମାଲିସ୍ କରିବାକୁ ପଡିବ। ମାଲିସ୍ ପରେ ଆପଣ ଚାହିଁଲେ ୧ ଘଣ୍ଟା ପରେ କେଶକୁ ସାମ୍ପୁ କରି ପାରିବେ ନଚେତ୍ ପୂରା ରାତିସାରା ଏହି ମିଶ୍ରଣକୁ କେଶରେ ଲଗାଇ ରଖି ପାରିବେ ଏବଂ ପରଦିନ ସକାଳେ ସାମ୍ପୁ କରି ପାରିବେ। ଏହି ଉପାୟ ଆପଣାଇବା ଦ୍ୱାରା କେଶ ଖୁବ୍ ଜଲ୍‌ଦି ବଢ଼ିଥାଏ।

ମହୁ: ଆପଣଙ୍କ କେଶ ସମସ୍ୟାକୁ ବାଦାମ ତେଲ, ମହୁ ଏବଂ କଦଳୀର ମିଶ୍ରଣ ମଧ୍ୟ ଦୂର କରି ପାରିବ। ଏମିତିରେ ଆପଣ ଏକ ପାତ୍ରରେ ତିନୋଟି ସାମଗ୍ରୀକୁ ଭଲ ଭାବରେ ମିକ୍ସ କରି ନିଅନ୍ତୁ ଏବଂ ଏହି ମିଶ୍ରଣକୁ କେଶରେ ଲଗାନ୍ତୁ। ଅଧ ଘଣ୍ଟା କିମ୍ବା ୧ ଘଣ୍ଟା ପର୍ଯ୍ୟନ୍ତ ଏହି ମିଶ୍ରଣକୁ ଆପଣଙ୍କ କେଶରେ ଲଗାଇ ରଖନ୍ତୁ। ଏହାପରେ କେଶକୁ ଭଲ ଭାବରେ ସାମାନ୍ୟ ସାମ୍ପୁରେ ଧୋଇ ଦିଅନ୍ତୁ। ଏମିତି କରିବା ଦ୍ୱାରା ନା କେବଳ କେଶ ସୁନ୍ଦର ଦେଖାଯିବ, ବରଂ କେଶ ଚମକଦାର ମଧ୍ୟ ନଜର ଆସିବ।

Powered by Froala Editor