୧୨ରୁ ଓଡ଼ିଶା ମହିଳା ଲିଗ-୨୦୨୨
ଭୁବନେଶ୍ୱର: ଆସନ୍ତା ୧୨ ତାରିଖରୁ ଓଡ଼ିଶା ଫୁଟବଲ ଆସୋସିଏସନ (ଫାଓ) ଏବଂ ରାଜ୍ୟ କ୍ରୀଡ଼ା ଓ ଯୁବସେବା ବିଭାଗର ମିଳିତ ଆନୁକୁଲ୍ୟରେ ଆରମ୍ଭ ହେବାକୁ ଯାଉଛି ଓଡ଼ିଶା ମହିଳା ଲିଗ-୨୦୨୨ । ଟୁର୍ଣ୍ଣାମେଣ୍ଟର ଜର୍ସି ଉନ୍ମୋଚନ ହୋଇଛି । ରାଜ୍ୟ କ୍ରୀଡ଼ା ଓ ଯୁବସେବା ସଚିବ ଭିନିଲ କି୍ରଷ୍ଣା ଫାଓର ଯୁଗ୍ମ ସମ୍ପାଦକ ଅଭିଜିତ ପାଲଙ୍କ ସହ ୬ଟି ଦଳର ଅଧିନାୟକମାନେ ଜର୍ସି ଉନ୍ମୋଚନ ଉତ୍ସବରେ ଯୋଗ ଦେଇଥିଲେ ।
ମହିଳା ଏଫସି ଏସିଆନ କପ ଦଳର ସଦସ୍ୟ ଥିବା ମନୀଷା ପାନ୍ନା ଓ ପ୍ୟାରୀ ଖା ଖା ଙ୍କୁ ଏହି ଅବସରରେ ସମ୍ବର୍ଦ୍ଧିତ କରାଯାଇଥିଲା । ପୂର୍ବତନ ଫୁଟବଲ ଖେଳାଳି ଶ୍ରଦ୍ଧାଞ୍ଜଳି ସାମନ୍ତରାୟ, ସସ୍ମିତା ମଲ୍ଲିକ ଓ କ୍ରୀଡ଼ା ବିଭାଗର ଓଏସଡି ଶୁଭେନ୍ଦୁ ପଣ୍ଡା ଉତ୍ସବରେ ଉପସ୍ଥିତ ଥିଳେ । ମୋଟ ୭ଟି ଦଳ ଲିଗରେ ଖେଳିବେ ।
Powered by Froala Editor
