ଜାଲିକାଟ୍ଟୁରେ ଭୁଲିଗଲେ କଟକଣା : ଜଣେ ମୃତ, ୮୦ ଆହତ
![ଜାଲିକାଟ୍ଟୁରେ ଭୁଲିଗଲେ କଟକଣା : ଜଣେ ମୃତ, ୮୦ ଆହତ](https://odishanewslens.com/news_gallery/9867_1642264257.jpg)
କରୋନା ମୁକାବିଲା ପାଇଁ ସରକାର ଅନେକ କଟକଣା ଲାଗାଇଛନ୍ତି। ଲୋକଙ୍କ ଭିଡ ଉପରେ ବାରଣ ମଧ୍ୟ ଲଗାଯାଇଛି। ତେବେ ସରକାରଙ୍କ ଏହି କରୋନା କଟକଣାକୁ ଫୁ’ କରି ଉଡାଇ ଦେଇ ଆନ୍ଧ୍ରପ୍ରଦେଶ, ତାମିଲନାଡୁରେ ପାଳନ ହୋଇଛି ପାରମ୍ପରିକ ଉତ୍ସବ ଜାଲିକାଟ୍ଟୁ। ତାମିଲନାଡୁ ମଦୁରାଇରେ ଆୟୋଜିତ ଏହି ପର୍ବରେ ଜଣେ ୧୮ ବର୍ଷ ଯୁବକଙ୍କର ମୃତ୍ୟୁ ହୋଇଛି । ଏହାସହ ଷଣ୍ଢ ମାଲିକଙ୍କ ସମେତ ପ୍ରାୟ ୮୦ ଜଣ ଆହତ ହୋଇଛନ୍ତି ।
ରିପୋର୍ଟ ଅନୁଯାୟୀ, ତାମିଲନାଡୁ ମଦୁରାଇର ଆଭାନିୟାପୁରମ୍ ଅଞ୍ଚଳରେ ଜାଲିକାଟ୍ଟୁ ପ୍ରତିଯୋଗିତା ସମୟରେ ଜଣେ ଯୁବକ ପ୍ରାଣ ହରାଇଛନ୍ତି । ଷଣ୍ଢ ବାଲାମୁରୁଗାନ ନାମକ ଜଣେ ଯୁବକଙ୍କ ଛାତିରେ ଆଘାତ ଦେଇଥିଲା । ଏହା ପରେ ବାଲାମୁରୁଗାନଙ୍କୁ ଡାକ୍ତରଖାନା ନିଆଯାଇଥିଲା । ଯେଉଁଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ।
ପ୍ରତିଯୋଗିତା ସମୟରେ ଅତି କମରେ ୮୦ଜଣ ଆହତ ହୋଇଥିଲେ। ପୋଙ୍ଗଲ ସମୟରେ ଷଣ୍ଢ ନିୟନ୍ତ୍ରଣର ଏହି ପ୍ରତିଯୋଗୀ ଏବଂ ଷଣ୍ଢ ମାଲିକଙ୍କ ସମେତ ପ୍ରାୟ ୮୦ ଜଣ ଆହତ ହୋଇଛନ୍ତି। ପୁଲିସ ମୁତାବକ, ଆହତଙ୍କ ମଧ୍ୟରେ ୨୪ ଷଣ୍ଢ ମାଲିକ ସାମିଲ ଅଛନ୍ତି। ସେହିପରି ଏହି ପ୍ରତିଯୋଗିତା ବେଳେ ୩୮ ଷଣ୍ଢ ନିୟନ୍ତ୍ରଣକାରୀ ଓ ୧୮ ଜଣ ଦର୍ଶକ ମଧ୍ୟ ଆହତ ହୋଇଛନ୍ତି।
ସୂଚନା ମୁତାବକ, ତାମଲନାଡୁ ସରକାର କରୋନା ଗାଇଡଲାଇନ୍ ଅନୁଯାୟୀ ଏହି ଜାଲିକାଟ୍ଟୁ ଉତ୍ସବ ପାଳନକୁ ଅନୁମତି ଦେଇଥିଲେ। ଯେଉଁମାନେ ଖେଳରେ ଭାଗ ନେବେ ସେମାନେ କରୋନା ଟିକାର ଦୁଇଟି ଡୋଜ୍ ନେଇସାରିଥିବା ଏବଂ ଆର୍ଟିପିସିଆର୍ ଟେଷ୍ଟ କରିବାକୁ ବାଧ୍ୟ ବୋଲି କୁହାଯାଇଥିଲା।
Powered by Froala Editor