୧୯ରୁ NEET-UG ପାଇଁ କାଉନସିଲିଂ ପ୍ରକ୍ରିୟା ଆରମ୍ଭ
ନୂଆଦିଲ୍ଲୀ: ଆସନ୍ତା ୧୯ ତାରିଖରୁ ଆରମ୍ଭ ହେବ NEET-UG ପାଇଁ କାଉନସିଲିଂ ପ୍ରକ୍ରିୟା । ଏନେଇ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭ୍ୟ ଟ୍ବିଟ କରି ସୂଚନା ଦେଇଛନ୍ତି । ସେହିପରି ଏଥିରେ ଅଂଶଗ୍ରହଣ କରିବାକୁ ଯାଉଥିବା ଛାତ୍ରଛାତ୍ରୀଙ୍କୁ ମଧ୍ୟ ସେ ଶୁଭେଚ୍ଛା ଜଣାଇଛନ୍ତି ।
ଏହି ତାରିଖ ଘୋଷଣା ସହ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମେଡିକାଲ ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ଆହୁରି ମଧ୍ୟ କହିଛନ୍ତି, ଆପଣ ସମସ୍ତେ ଦେଶର ଭବିଷ୍ୟତ ଏବଂ ମୁଁ ଆଶା କରୁଛି ଯେ 'ସେବା ହେଉଛି ଧର୍ମ' ମନ୍ତ୍ର ସହିତ ଆପଣ ସମସ୍ତେ ନିଜ କ୍ୟାରିଅରକୁ ଏକ ନୂତନ ଦିଗ ଦେବେ । ମୁଁ ସମସ୍ତଙ୍କୁ ସଫଳତା ପାଇଁ ଶୁଭେଚ୍ଛା ଜଣାଉଛି ବୋଲି ଟ୍ବିଟରେ ଉଲ୍ଲେଖ କରିଛନ୍ତି କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମାଣ୍ଡଭ୍ୟ ।
Powered by Froala Editor