ବିଜେପି ଛାଡିଲେ ସ୍ବାମୀ ପ୍ରସାଦ ମୌର୍ଯ୍ୟଙ୍କ ସହିତ ଆଉ ୩ ନେତା
ଆଗକୁ ଉତ୍ତରପ୍ରଦେଶ ବିଧାନସଭା ନିର୍ବାଚନ । ଇତିମଧ୍ୟରେ ବିଜେପିକୁ ଶକ୍ତ ଧକ୍କା ଲାଗିଛି । ବିଜେପିର ୪ ବରିଷ୍ଠ ନେତା ଓ ବିଧାୟକ ଦଳ ଛାଡ଼ି ସମାଜବାଦୀପାର୍ଟିରେ ଯୋଗ ଦେଇଛନ୍ତି । ସେମାନଙ୍କ ମଧ୍ୟରେ ରହିଛନ୍ତି ଉତ୍ତରପ୍ରଦେଶର ଶ୍ରମମନ୍ତ୍ରୀ ସ୍ବାମୀ ପ୍ରସାଦ ମୌର୍ଯ୍ୟ, ଶାହାଜାହନପୁର ବିଧାୟକ ରୋଶନ ଲାଲ ବର୍ମା, ବନ୍ଦା ବିଧାୟକ ବ୍ରିଜେଶ ପ୍ରଜାପତି, କାନପୁର ବିଧାୟକ ଭଗବତୀ ସାଗର ।
ରାଜ୍ୟପାଳ ଆନନ୍ଦବିନ୍ ପଟେଲଙ୍କୁ ପଠାଇଥିବା ଇସ୍ତଫା ପତ୍ରରେ ସ୍ୱାମୀ ପ୍ରସାଦ ମୌର୍ଯ୍ୟ ଲେଖିଛନ୍ତି କି ’ଶ୍ରମ, ନିଯୁକ୍ତ ମନ୍ତ୍ରୀ ଏବଂ ସମନ୍ୱୟ ମନ୍ତ୍ରୀ ଭାବରେ ସମସ୍ତ ବିପରୀତ ପରିସ୍ଥିତିରେ ମୁଁ ଆଦର୍ଶ ବିଚାରଧାରାରେ ରହିବା ସତ୍ତ୍ୱେ ମୁଁ ଅତ୍ୟଧିକ ଉତ୍ସର୍ଗୀକୃତ ଭାବରେ ଦାୟିତ୍ୱ ତୁଲାଇଥିଲି । କିନ୍ତୁ ଦଳିତ, ପଛୁଆ, କୃଷକ, ବେକାର ସମସ୍ୟା ଏବଂ କ୍ଷୁଦ୍ର-ମଧ୍ୟମ ବର୍ଗଙ୍କୁ ଅବହେଳା ହେତୁ ମୁଁ ଉତ୍ତରପ୍ରଦେଶ କ୍ୟାବିନେଟରୁ ଇସ୍ତଫା ଦେଇଛି । ପଛୁଆ ଜାତିର ଏହି ବଡ ନେତା ଦଳ ଛାଡିବା ବିଜେପିକୁ ଜୋରଦାର ଝଟକା ଲାଗିଛି।
Powered by Froala Editor
