ପୁଣି ଫେରିଛନ୍ତି ୬ଟିକିଆ ହାତୀ ପଲ, ଘର ଭାଙ୍ଗିବା ସହ ଖେଳାଇଲେ ଆତଙ୍କ
କରଞ୍ଜିଆ: କରଞ୍ଜିଆକୁ ପୁଣି ଫେରିଛନ୍ତି ୬ଟିକିଆ ହାତୀ ପଲ । ଏହି ହାତୀପଲ ଙ୍କ ଘଟାଇଥିବା ଆତଙ୍କ ଯୋଗୁଁ ଗ୍ରାମବାସୀଙ୍କ ସମେତ ବନବିଭାଗଙ୍କ ପାଇଁ ମୁଣ୍ଡ ବିନ୍ଧାର କାରଣ ସାଜିଛନ୍ତି । ସୂଚନାଥାଉକି, ଗତକାଲି ବିଳମ୍ବିତ ରାତିରେ ରରୁଆ ବ୍ଲକ ତାଳବେରିଆ ଗାଁର ଶ୍ରୀକାନ୍ତ ମାହାନ୍ତଙ୍କ ଘର ଭାଙ୍ଗି ଦେଇଛନ୍ତି ଏହି ହାତୀପଲ । ଗତ ତିନିଦିନ ତଳେ ଏହି ହାତୀପଲ ଏହି ଘରକୁ ଭାଙ୍ଗିଥିଲେ । ପୁଣିଥରେ ଶ୍ରୀକାନ୍ତଙ୍କ ଘର ଭାଙ୍ଗିଦେଇଥିବାରୁ ସେ ବହୁ ଅସୁବିଧାର ସମ୍ମୁଖିନ ହେଉଛନ୍ତି ।
ଅଞ୍ଚଳରେ ହାତୀପଲଙ୍କ ଆତଙ୍କ ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡିଛି । କେନ୍ଦୁଝର ଜିଲ୍ଲାରୁ ବୈତରଣୀ ନଦୀ ପାର ହୋଇ କରଞ୍ଜିଆ ରେଞ୍ଜରକୁ ପଶିଛନ୍ତି ହାତୀପଲ । ଜିଲ୍ଲାରେ କୁହୁଡି ଯୋଗୁଁ ହାତୀପଲ ଏବେ କେଉଁଠି ଅଛନ୍ତି ତାହା ସଠିକ ଜଣାପଡିନାହିଁ ବୋଲି ଘାଘରବେଡା ଫରେଷ୍ଟରଙ୍କ ସୂଚନା ରହିଛି।
Powered by Froala Editor
