ଆଜିଠୁ ଦେଶରେ ବୁଷ୍ଟର ଡୋଜ୍
ନୂଆଦିଲ୍ଲୀ: ହସୁଛି କରୋନା, ହନ୍ତସନ୍ତ ହେଉଛି ମଣିଷ । ହୁ ହୁ ହୋଇ ମାଡିଚାଲିଛି କରୋନା । ଦ୍ରୁତ ଗତିରେ କରୋନାର ନୂଆ ଭାରିଆଣ୍ଟ ଓମିକ୍ରନ ତା’ର କାୟା ବିସ୍ତାର କରିବାରେ ଲାଗିଛି । ଧୀରେଧୀରେ ସ୍ଥିତି ବିଗିଡିବାରେ ଲାଗିଛି । ସରକାର ଟିକାକରଣ କରିବା ସହିତ ଟ୍ରାକିଂ, ଟ୍ରେସିଂ ଓ ଟେଷ୍ଟିଂକୁ ଗୁରୁତ୍ୱ ଦେଉଥିଲେ ମଧ୍ୟ ସଂକ୍ରମଣ କମିବାର ନାଁ ଧରୁନି । କରୋନାର ଦୁଇଟି ଡୋଜ୍ ଟିକା ନେବା ପରେ ମଧ୍ୟ ଲୋକେ କରୋନାରେ ଆକ୍ରାନ୍ତ ହେଉଛନ୍ତି । ଟିକାର ପ୍ରଭାବ ୬ମାସ ରହୁଥିବା ଗବେଷଣା କହୁଛି । ଏପରିସ୍ଥଳେ ସଂକ୍ରମଣକୁ ରୋକିବା ପାଇଁ ବୁଷ୍ଟର ଡୋଜ୍ ବା ପ୍ରକସନ୍ ଡୋଜ୍ ବର୍ତ୍ତମାନ ସମୟରେ କରୋନା ଲଢେଇର ବିକଳ୍ପ ଅସ୍ତ୍ର ହୋଇଛି ।
ତେବେ ଆଜିଠୁ ସାରା ଦେଶରେ ବୁଷ୍ଟର ଡୋଜ୍ ଟିକାକରଣ ଆରମ୍ଭ ହୋଇଛି । ପ୍ରାରମ୍ଭିକ ପର୍ଯ୍ୟାୟରେ ସ୍ୱାସ୍ଥ୍ୟକର୍ମୀ, ସମ୍ମୁଖ ଯୋଦ୍ଧା ଓ ବରିଷ୍ଠ ନାଗରିକଙ୍କୁ ଏହି ବୁଷ୍ଟର ଡୋଜ୍ ଦିଆଯିବ । ଡବଲ ଡୋଜ୍ ପରେ ବୁଷ୍ଟର ଡୋଜ୍ ଫଳପ୍ରଦ ହେବ ବୋଲି ସ୍ୱାସ୍ଥ୍ୟ ବିଶେଷଜ୍ଞମାନେ ଆଶା କରିଛନ୍ତି ।
Powered by Froala Editor
