କାଲିଠାରୁ ବୁଷ୍ଟର ଡୋଜ ଆରମ୍ଭ
ଭୁବନେଶ୍ବର: ସୋମବାର ଠାରୁ ଆରମ୍ଭ ହେବ ବୁଷ୍ଟର ଡୋଜ। ଆଗ ଧାଡ଼ିର ସ୍ବାସ୍ଥ୍ୟକର୍ମୀଙ୍କ ସହ ୬୦ ବର୍ଷୀୟ ବୟସ୍କଙ୍କୁ ଏହି ବୁଷ୍ଟର ଡୋଜ ଦିଆଯିବ।ଆସନ୍ତାକାଲିଠାରୁ ବୁଷ୍ଟର ଡୋଜ ଆରମ୍ଭରାଜ୍ୟରେ ବୁଷ୍ଟର ଡୋଜ ବା ପ୍ରୋଟେକଟିଭ ଡୋଜ ଆରମ୍ଭ ହେବ । ମୁଖ୍ୟତଃ ଯେଉଁ ସ୍ବାସ୍ଥ୍ୟକର୍ମୀ କୋଭିଡ କାର୍ୟ୍ୟରେ ନିୟୋଜିତ ହୋଇଛନ୍ତି ସେମାନଙ୍କୁ ଅଗ୍ରାଧିକାର ଭିତ୍ତିରେ ବୁଷ୍ଟର ଡୋଜ ଦିଆଯିବ। ପର୍ୟ୍ୟାୟକ୍ରମେ ସମସ୍ତଙ୍କୁ ଏହି ବୁଷ୍ଟର ଡୋଜ ଦିଆଯିବ । ତେବେ ଯେଉଁମାନେ ଉଭୟ ଡୋଜ ଟିକା ନେଇଥିବେ କେବଳ ସେମାନେ ହିଁ ବୁଷ୍ଟର ଡୋଜ ନେବେ। ଯେଉଁ ବ୍ୟକ୍ତି ଯେଉଁ ଟିକା ନେଇଥିବେ ସେମାନଙ୍କୁ ସେହି ଟିକା ପାଇଁ ବୁଷ୍ଟର ଡୋଜ ଦିଆଯିବ। ଦ୍ବିତୀୟ ଡୋଜର ୯ ମାସ ପରେ ଅର୍ଥାତ୍ ୩୯ ସପ୍ତାହ ପରେ ଲୋକେ ବୁଷ୍ଟର ଡୋଜ ନେଇପାରିବେ । ତେବେ ପୂର୍ବଭଳି ଯେଉଁ ଟୀକାକରଣ କେନ୍ଦ୍ରରେ ଟିକାଦାନ କରାଯାଉଥିଲା ତାହା ବଳବତ୍ତର ରହିବ।ଡବଲ ଡୋଜ ପରେ ବୁଷ୍ଟର ଡୋଜ ଫଳପ୍ରଦ ହେବା ନେଇ ସ୍ବାସ୍ଥ୍ୟ ବିଭାଗ ଆଶା ପ୍ରକାଶ କରିଛି । ଏହା ବ୍ୟତୀତ ଆବଶ୍ୟକ ପରିମାଣର ଶଯ୍ୟା ଓ ବ୍ୟବସ୍ଥା ଉପରେ ସ୍ବାସ୍ଥ୍ୟ ବିଭାଗ ଗୁରୁତ୍ବାରୋପ କରିଛି ।
Powered by Froala Editor
