୧୮ରୁ ୪୪ ବର୍ଷ ପର୍ଯ୍ୟନ୍ତ ସମସ୍ତଙ୍କୁ ମେ’ ୧ରୁ ମାଗଣା ଟିକାକରଣ କରାଯିବା ଘୋଷଣା ପରେ ସାମାନ୍ୟ ଆଶ୍ୱସ୍ତି ଲାଭ କରିଥିଲେ। ମାତ୍ର ଏବେ ରାଜ୍ୟବାସୀଙ୍କୁ ଝଟକା ଲାଗିଛି । ୧୮ରୁ ୪୪ ବର୍ଷ ବୟସର ଲୋକଙ୍କୁ ଟିକାକରଣରେ ବିଳମ୍ବ ହୋଇପାରେ । ଏପରି ଆଶଙ୍କା ପ୍ରକଟ କରିଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ।

ଏନେଇ ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ କହିଛନ୍ତି, ମେ ମାସରେ କୋଭିସିଲ୍ଡ ଟିକା ଆସିବାର ସମ୍ଭାବନା କ୍ଷୀଣ । ମେ ମଧ୍ୟଭାଗ ସୁଦ୍ଧା କୋଭାସ୍କିନ ହୋଇପାରେ । କୋଭିସିଲ୍ଡ ଟିକା ପାଇଁ ଆମେ ଚିଠି ଲେଖିଛୁ । ଟିକା ଉପଲବ୍ଧ ହେବା ପରେ ଟିକା ଦିଆଯିବ। 

ତୃତୀୟ ପର୍ଯ୍ୟାୟ ଟୀକାକରଣ ପାଇଁ ଆସନ୍ତାକାଲିଠୁ ପଞ୍ଜୀକରଣ ଆରମ୍ଭ ହେବ । COWIN ପୋର୍ଟାଲକୁ ଯାଇ ସମସ୍ତେ ପଞ୍ଜୀକରଣ କରିପାରିବେ । କିନ୍ତୁ ବର୍ତ୍ତମାନ ସ୍ଲଟ ଅଫ ଆପଏଣ୍ଟ ମିଳିବ ନାହିଁ । ଯେବେ ଟୀକା ଆଭେଲେବୁଲ ହେବ ସେହି ଅନୁସାରେ ପୋଟାଲ ମାଧମରେ ଆମେ ସ୍ଲଟ ଦିଆଯିବ । ଏବଂ ପଞ୍ଜୀକୃତ ହୋଇଥିବା ନାଗରିକ ମାନେ ତାଙ୍କ ସ୍ଲଟ ଅନୁସାରେ ଟୀକା ନେଇ ପାରିବେ ।

ସୂଚନାଯୋଗ୍ୟ, ରାଜ୍ୟଧାନୀ ଭୁବନେଶ୍ୱରରେ ସଂକ୍ରମଣ ଲଗାମଛଡ଼ା ହୋଇଥିବା ବେଳେ ଏହାକୁ ନିୟନ୍ତ୍ରଣକୁ ଆଣିବାକୁ ବିଏମ୍‌ସି ପ୍ରସ୍ତୁତ କରିଛି ମାଇକ୍ରୋ ମ୍ୟାନେଜମେଣ୍ଟ ପ୍ଲାନ। ଏଥିନିମନ୍ତେ ମିଶନ ମୋଡ଼ରେ ୧୦ ଲକ୍ଷ ୩୪ ହଜାର କୋଭାକ୍ସିନ ଟିକା ରାଜ୍ୟବାସୀଙ୍କୁ ଦିଆଯିବା ନିମନ୍ତେ ଲକ୍ଷ ଧାର୍ଯ୍ୟ ହୋଇଛି। ଏହି ବେଗରେ ଗଲେ  ଭୁବନେଶ୍ୱରରେ ମାସକରେ ଟିକାକରଣ ସାରିବାକୁ ଲକ୍ଷ୍ୟ ରଖାଯାଇଛି।  ହେଲେ ଟିକା ଆସିବା ନେଇ ଏବେ ଅନିଶ୍ଚିତତା ଦେଖାଦେଇଥିବା ବେଳେ ଟିକା ପହଞ୍ଚିଲେ ଆକ୍ସନ ପ୍ଲାନ କାର୍ଯ୍ୟକାରୀ ହେବ ବୋଲି ପରିବାର କଲ୍ୟାଣ ନିର୍ଦ୍ଦେଶକ କହିଛନ୍ତି।

ଗତକାଲି ୫୯୫ କେନ୍ଦ୍ରରେ ଟୀକାକରଣ ହୋଇଥିଲା । ୮୮ ହଜାର ୭୭୦ ଜଣଙ୍କୁ ଟୀକାକରଣ ହୋଇଛି । ବର୍ତ୍ତମାନ ସୁଦ୍ଧା ୫୬ ଲକ୍ଷ ୩୯ ହଜାର ୧୫୦ ଡୋଜ ଦିଆଯାଇଛି । ଆଜି ବି ୬୦୦ କେନ୍ଦ୍ରରେ ଟୀକାକରଣ ଚାଲିଛି । ରାଜ୍ୟରେ ବର୍ତ୍ତମାନ ୧.୨୩ ଲକ୍ଷ କୋଭିସିଲ୍ଡ ଟୀକା ରହିଛି ଆଉ ୩ ଲକ୍ଷ ୬୫ ହଜାର କୋଭାକ୍ସିନ ଟୀକା ରହିଛି ।

Powered by Froala Editor