ତାମିଲନାଡ଼ୁର ତାଞ୍ଜଭୁର ଇଲାକାରେ ଜଣେ ବ୍ୟକ୍ତିଙ୍କ ଘର ର ବ୍ୟାଙ୍କ ଲକରରୁ ମିଳିଛି ଏକ ବିରଳ ଶିବଲିଙ୍ଗ । ଏହି ଶିବଲିଙ୍ଗର ମୁଲ୍ୟ ହେଉଛି ୫୦୦କୋଟି, ଏହା ମର୍କତ ରତ୍ନରେ ତିଆରି ହୋଇଛି । ଏହା ହେଉଛି ଏକ ବହୁମୂଲ୍ୟ ରତ୍ନର ଶିବଲିଙ୍ଗ ଏଥିପାଇଁ ଏହାର ମୂଲ୍ୟ ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
ଏଡ଼ିଜିପି ଜୟନାଥ ମୁରଲୀଙ୍କ ନେତୃତ୍ୱରେ ଏକ ଟିମ୍ ଜନୈକ ବ୍ୟକ୍ତିଙ୍କ ଘରୁ ଏହି ବିରଳ ଶିବଲିଙ୍ଗକୁ ଜବତ କରିଛି । ଶ୍ରୀ ମୁରଲୀଙ୍କ କହିବା ଅନୁଯାଇ, ତାଞାଭୁରର ଏକ ଘରେ ମୂଲ୍ୟବାନ ଶିବଲିଙ୍ଗ ଥିବା ନେଇ ସୂଚନା ମିଳିଥିଲା । ଏଥିରେ ଏସିପି ଆର ରାଜରାମ ଓ ପି ଅଶୋକ ନଟରାଜନଙ୍କ ନେତୃତ୍ୱରେ ଏକ ଟିମ ତାଞ୍ଜାଭୁର ଅରୁଲାନନ୍ଦ ନଗର ଅନ୍ତର୍ଗତ ସେଭେନ୍ କ୍ରସ ଷ୍ଟ୍ରିଟଠାରେ ଥିବା ଲାଙ୍ଗଭାଲ ଘରେ ଚଢ଼ଉ କରିଥିଲେ । ଏହି ସମୟରେ ଏନଏ ସାମିୟାପ୍ପାନଙ୍କ ପୁଅ ଏନଏସ ଅରୁଣଙ୍କୁ ପଚରାଉଚରା କରାଯାଇଥିଲା । ବାପା ଘରେ ନୁହେଁ ବରଂ ବ୍ୟାଙ୍କ ଲକର ରେ ମର୍କତ ରତ୍ନର ଶିବଲିଙ୍ଗ ରଖିଥିବା କହିଥିଲେ । ସେ ସିଆଇଡ଼ି ଟିମକୁ ତଦନ୍ତରେ ସହଯୋଗ କରି ମୂର୍ତ୍ତିକୁ ହସ୍ତାନ୍ତର କରିଥିଲେ ।

ଏହି ଶିବଲିଙ୍ଗ ୫୩୦ ଗ୍ରାମ ଓ ଉଚ୍ଚତା ୮ ସେଣ୍ଟିମିଟର । ସାମିୟାପ୍ପାନ କେଉଁଠୁ ଏହି ଶିବଲିଙ୍ଗ ପାଇଥିଲେ ତାହା ତାଙ୍କ ପୁଅ କିମ୍ବା କାହାରିକୁ ମଧ୍ୟ ୂଜଣାନାହିଁ ବୋଲି କହିଛନ୍ତି । ଏହାର ବଜାର ମୂଲ୍ୟ ୫୦୦ କୋଟି ଟଙ୍କା ବୋଲି ପୋଲିସ ପକ୍ଷରୁ କୁହାଯାଇଛି ।

Powered by Froala Editor