ଆଜି ଦେଶରେ ୧୩ହଜାର ୧୫୪ କରୋନା ପଜିଟିଭ୍ ଚିହ୍ନଟ
ନୂଆଦିଲ୍ଲୀ: ଦେଶରେ ପୁଣି ଉପରମୁହାଁ ହେଲାଣି କରୋନା ଗ୍ରାଫ । ଗିଛି ଦିନ ହେବ ଦେଶରେ ଦୈନିକ କରୋନା ସଂକ୍ରମଣରେ ଲଗାତର ବୃଦ୍ଧି ହେଉଛି । ଗତ ୨୪ ଘଂଟାରେ ଦେଶରେ ୧୩ ହଜାର ୧୫୪ କରୋନା ପିଜିଟିଭ୍ ଚିହ୍ନଟ ହୋଇଛନ୍ତି । ୪୩ ପ୍ରତିଶତ ବଢିଲା ଦୈନିକ ସଂକ୍ରମଣ ବଢିଛି । ଦୁଇ ଦିନରେ ସଂକ୍ରମଣ ଦୁଇ ଗୁଣା ବଢିଛି ବୋଲି ସୂଚନା ମିଳିଛି । ଗତକାଲି ୯ ହଜାର ୧୯୫ ପିଜିଟିଭ୍ ଆସିଥିବା ବେଳେ ଆଜି ୧୩ହଜାର ପାର୍ କରିଛି କରୋନା ସଂକ୍ରମଣ ।
ଆଜି ଚିହ୍ନଟ ହୋଇଥିବା ନୂତନ ଆକ୍ରାନ୍ତଙ୍କୁ ମିଶାଇ ଦେଶରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୩କୋଟି ୪୮ଲକ୍ଷ ୨୨ହଜାର ୦୪୦ରେ ପହଞ୍ଚିଛି । ଏହି ସମୟ ମଧ୍ୟରେ କୋଭିଡ୍-୧୯ ସଂକ୍ରମଣରୁ ୭,୪୮୬ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ଏହାକୁ ମିଶାଇ ଦେଶରେ ସମୁଦାୟ ସୁସ୍ଥତା ସଂଖ୍ୟା ହେଉଛି ୩କୋଟି ୪୨ଲକ୍ଷ ୫୮ହଜାର ୭୭୮ରହିଛି ।
ଏହାଛଡା, ଏବେ ଦେଶରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ହେଉଛି ୮୨,୪୦୨ । ସେହିପରି ଦେଶରେ ସମୁଦାୟ ‘ଓମିକ୍ରନ୍’ ସଂକ୍ରମଣ ସଂଖ୍ୟା ମଧ୍ୟ ୯୬୧ରେ ପହଞ୍ଚିଛି ।
Powered by Froala Editor
