ଚେନ୍ନାଇରେ ରେଡ୍ ଆଲର୍ଟ, ଲାଗି ରହିଛି ବର୍ଷା
ଚେନ୍ନାଇ: ଚେନ୍ନାଇରେ ରେଡ୍ ଆଲର୍ଟ । ମାତ୍ର କିଛି ଦିନର ବ୍ୟବଧାନ ପରେ ତାମିଲନାଡ଼ୁରେ ପୁଣି ଲଘୁଚାପଜନିତ ବର୍ଷାର ତାଣ୍ଡବ ହୋଇଥିବା ଦେଖିବାକୁ ମିଳିଛି। ଚେନ୍ନାଇ ଏବଂ ଅନ୍ୟ ସହର ତଥା ଜିଲ୍ଲାରେ ଲାଗି ରହିଛି ବର୍ଷା । ଚେନ୍ନାଇ ସମେତ ପାର୍ଶ୍ବବର୍ତ୍ତୀ ଅନ୍ୟ କେତେକ ଉପକୂଳବର୍ତ୍ତୀ ଜିଲ୍ଲା ଏବଂ କେନ୍ଦ୍ରଶାସିତ ଅଂଚଳ ପୁଡୁଚେରୀ ପାଇଁ ପାଣିପାଗ ବିଭାଗ ତରଫରୁ ଜାରି କରାଯାଇଛି ରେଡ୍ ଏବଂ ଅରେଂଜ୍ ଆଲର୍ଟ ।
ଆଗକୁ ବର୍ଷା ବଢ଼ିବାର ଆଶଙ୍କା ଥିବାରୁ ଶୁକ୍ରବାର ଦିନ ସ୍କୁଲ କଲେଜ୍ ବନ୍ଦ ରଖିବାକୁ ପରାମର୍ଶ ଦିଆଯାଇଛି । ପରିସ୍ଥିତିକୁ ନଜରରେ ରଖି ସମସ୍ତ ପ୍ରକାର ସୁରକ୍ଷାମୂଳକ ପଦକ୍ଷେପ ନେଇଛି ଚେନ୍ନାଇ ପୌର ପ୍ରଶାସନ ।
Powered by Froala Editor
