ମନ ଛୁଉଁଛି କିୟାଂଶଙ୍କ ଦୋସ୍ତୀ
ସ୍ୱାର୍ଥପର ଓ ଲୋଭି ମଣିଷ ଟଙ୍କାରେ ଅନ୍ୟକୁୁ ତଉଲନ୍ତି । ଉଚ୍ଚନୀଚ୍ଚ ଭେଦଭାବ ସେମାନଙ୍କ ଚିନ୍ତାଧାରାକୁ ବଦଳାଇଦିଏ । ହେଲେ ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓ ସମସ୍ତଙ୍କ ମନକୁ ଛୁଉଁଛି । ଏହି ପିଲାଟିର ନା କିୟାଂଶ । ଭିଡିଓରେ ବେଲୁନ ବିକ୍ରି କରୁଥିବା ଗୋଟେ ମହିଳାଙ୍କ ପୁଅକୁ କିୟାଂଶ କୁଣ୍ଢାଉଥିବାର ଦେଖାଯାଉଛି ।
ଅକ୍ଟୋବର ୨୮ରେ ଭିଡିଓଟି ଛଡ଼ାଯାଇଥିବା ବେଳେ ଏବେ ଏହା ଭାଇରାଲ ହେବାରେ ଲାଗିଛି । ଭିଡିଓର ଏହି କ୍ଲିପଟି ୧୩.୮ ମିଲିୟନ ଭିୟୁ ଯାଇଥିବା ବେଳେ ଲକ୍ଷେ ଉପରେ ଲାଇକ୍ ମିଳିଥିଲା । ଏହା ହେଉଛି ପ୍ରକୃତ ମଣିଷପଣିଆ ବୋଲି କହି ଅନେକ ଲୋକ ନିଜ ଷ୍ଟାଟସରେ ଭିଡିଓଟିକୁ ରଖିଛନ୍ତି ।
ଉଭୟଙ୍କର ଏହି ସୁନ୍ଦର ଦୃଶ୍ୟକୁ ଦେଖି ସେଠାରେ ଥିବା ସମସ୍ତ ଲୋକ କିୟାଂଶକୁ ପ୍ରଶଂସା କରିଥିଲେ ଏବଂ କହିଥିଲେ ଛୋଟ ଛୁଆ ହେଲେ ବି ଅନେକ କିଛି କଥା ଶିଖାଇଦେଇଛି ।
Powered by Froala Editor
