ଭୁବନେଶ୍ୱର: ପଞ୍ଚାୟତ ନିର୍ବାଚନ ପାଇଁ ନିଦେ୍ର୍ଧଶାନାମା ଜାରି କରିଛନ୍ତି ରାଜ୍ର ନିର୍ବାଚନ କମିଶନ। ନିର୍ବାଚନ ପାଇଁ ପାର୍ଥୀ ମାନଙ୍କ ଖର୍ଚ୍ଚ ସୀମା ବଢାଯାଇଛି। ପୂର୍ବରୁ ସରପଞ୍ଚ ଓ ସମିତି ସଭ୍ୟ ପାର୍ଥୀଙ୍କ ଖର୍ଚ୍ଚ ସୀମା ୮୦ହଜାର ଥିବାବେଳେ, ବତର୍ତ୍ତମାନ ଏହାକୁ ବଢାଯାଇ ୨ଲକ୍ଷ ଟଙ୍କା କରାଯାିଛି। ସେହିପରି ଜିଲ୍ଲା ପରିଦେ ପାର୍ଥୀ  ୫ ଲକ୍ଷ ଟଙ୍କା ଖର୍ଚ୍ଚ କରିବାକୁ ଅନୁମତି ଦିଆଯାଇଛି।

ଏହା ସହିତ ଜଣେ ପ୍ରାର୍ଥୀ ପ୍ରଚାର କାମରେ କେତେ ଗାଡି ବ୍ୟବହାର କରିପାରିବେ, ତାହା ମଧ୍ୟ ସ୍ଥିର କରାଯାଇଛି। ଜିଲ୍ଲା ପରିଷଦ ସଦସ୍ୟ ପ୍ରାର୍ଥୀ ନିର୍ବାଚନ ପ୍ରଚାରରେ ସର୍ବାଧିକ ୫ଟି ଜିପ୍ ବା କାର୍ ଓ ୧୦ଟି ମୋଟର ସାଇକେଲ୍ ବ୍ୟବହାର କରିପାରିବେ। ପଞ୍ଚାୟତ ସମିତି ସଦସ୍ୟ ଓ ସରପଞ୍ଚ ପ୍ରାର୍ଥୀ ସର୍ବାଧିକ ୨ଟି ଜିପ୍ ବା କାର୍ ଓ ୫ଟି ମୋଟର ସାଇକେଲ୍ ବ୍ୟବହାର କରିପାରିବେ। ଗାଡି ଓ ମୋଟର ସାଇକେଲ ଧାର୍ଯ୍ୟ ସୀମା ମଧ୍ୟରେ ଅଟୋ-ରିକ୍ସା ମଧ୍ୟ ବ୍ୟବହାର କରାଯାଇପାରିବ। ମୋଟର୍ ଯାନ ବ୍ୟବହାର ଦିନ ଠାରୁ ଜିଲ୍ଲା ପରିଷଦ ପ୍ରାର୍ଥୀ ଯାନର ପ୍ରକାର, ପଞ୍ଜୀକରଣ ନମ୍ବର ଓ ଗାଡି ମାଲିକଙ୍କ ନାମ ଉପଜିଲ୍ଲାପାଳଙ୍କୁ ଲିଖିତ ଭାବେ ଜଣାଇବେ। ପଞ୍ଚାୟତ ସମିତି ସଦସ୍ୟ ଓ ସରପଞ୍ଚ ପ୍ରାର୍ଥୀ ଗାଡି ସମ୍ପର୍କିତ ଏହି ତଥ୍ୟ ବିଡିଓଙ୍କୁ ଲିଖିତ ଭାବେ ଦେବେ।

ଏହି ତଥ୍ୟର ତିନିଟି ନକଲ ଦାଖଲ କରାଯିବ। ତଥ୍ୟର ଗୋଟିଏ ନକଲ ଉପଜିଲ୍ଲାପାଳ/ବିଡିଓ ନିକଟସ୍ଥ ଆର୍ଟିଓଙ୍କୁ ଦେବେ ଓ ଅନ୍ୟଟି ନିଜ ପାଖରେ ରଖିବେ। ତୃତୀୟ ନକଲରେ ଉପଜିଲ୍ଲାପାଳ, ବିଡିଓ କିମ୍ବା ତାଙ୍କ କ୍ଷମତାସମ୍ପନ୍ନ ଅଧିକାରୀ ସ୍ୱାକ୍ଷର ଓ ଅଫିସ ମୋହର ଲଗାଇ ପ୍ରାର୍ଥୀଙ୍କୁ ଫେରାଇ ଦେବେ। କୌଣସି ସମୟରେ ନିର୍ବାଚନ ଅଧିକାରୀ କିମ୍ବା ତାଙ୍କ ଦ୍ୱାରା କ୍ଷମତାସମ୍ପନ୍ନ ଅଧିକାରୀ ଏହି ତଥ୍ୟ ଆବଶ୍ୟକ କଲେ, ପ୍ରାର୍ଥୀ ତଦାରଖ ନିମନ୍ତେ ତାହା ଉପସ୍ଥାପନ କରିବେ।
ଗାଡି ସମ୍ପର୍କିତ ଖର୍ଚ୍ଚ, ଧାର୍ଯ୍ୟ ହୋଇଥିବା ନିର୍ବାଚନ ଖର୍ଚ୍ଚ ସୀମା ମଧ୍ୟରେ ରହିବ। ଏହା ସହିତ ସମସ୍ତ ପ୍ରଚାର ଗାଡି ଭୋଟ୍ ଆରମ୍ଭ ହେବାର ୩୬ଘଣ୍ଟା ପୂର୍ବରୁ ବନ୍ଦ କରାଯିବ। ସବୁଠୁ ବଡ କଥା ହେଉଛି ପୂର୍ବରୁ ନିର୍ବାଚନ ମତଦାନ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଜଲେୁଥିଲା କିନ୍ତୁ ଆଗାମି ନିର୍ବାଚନରେ ଏହାକୁ ଆଉ ୧ ଘଣ୍ଟା ବଢାଇ ଦିଆଯାଇଛି। ଏହା ସକାଳ ୭ରୁ ଆରମ୍ଭ ହୋଇ ଦିନ ୧ଟା ପର୍ଯ୍ୟନ୍ତ ଚାଲିବ।  

Powered by Froala Editor