ସୋନୁ ନୁହେଁ, ରାଜନୀତିକୁ ଓହ୍ଲାଇବେ ଭଉଣୀ ମାଳବିକା
କିଛି ଦିନ ତଳେ ଶୁଣିବାକୁ ମିଳୁଥିଲା ଯେ, ସୋନୁ ସୁଦ ପଞ୍ଜାବ ନିର୍ବାଚନରେ ମଇଦାନକୁ ଓହ୍ଲାଇବେ । କିନ୍ତୁ ସୋନୁ ନୁହେଁ ବରଂ ତାଙ୍କ ଭଉଣୀ ମାଳବିକା ସୁଦ ପ୍ରତିଦ୍ୱନ୍ଦ୍ୱିତା କରିବେ ବୋଲି ଜଣାପଡିଛି । ସୋନୁ ନିଜେ ଏହି ଘୋଷଣା କରିଛନ୍ତି । ସୋନୁ ଚଣ୍ଡୀଗଡ଼ ଠାରୁ ପ୍ରାୟ ୧୭୦ କିଲୋମିଟର୍ ଦୂର ମୋଗାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏ କଥା ଘୋଷଣା କରିଛନ୍ତି। ତେବେ ମାଳବିକା କେଉଁ ଦଳରେ ଯୋଗ ଦେବେ ତାହା କହିନାହାନ୍ତି ।
କିନ୍ତୁ, ଜନତାଙ୍କ ସେବା କରିବା ଲାଗି ସ୍ବାଧୀନତା ଦେଉଥିବା ଯେକୌଣସି ସଙ୍ଗଠନରେ ଯୋଗ ଦେବାକୁ ମାଳବିକା ଇଚ୍ଛା ପ୍ରକାଶ କରିଛନ୍ତି। ସେ କହିଛନ୍ତି, ଅପବାଦ ନ ଥିବା ଏବଂ କାମ କରିବାକୁ ସ୍ବାଧୀନତା ମିଳୁଥିବା ଯେକୌଣସି ସଂସ୍ଥାନରେ ମୁଁ ଯୋଗ ଦେଇପାରେ। ସେ ସଙ୍ଗଠନ ରାଜନୈତିକ ବା ଅଣରାଜନୈତିକ ହୋଇପାରେ। ସୋନୁ ନିଜେ ରାଜନୀତିରେ ଯୋଗ ଦେବା କଥାକୁ ଅସ୍ବୀକାର କରି ସେ କହିଛନ୍ତି ଯେ, ଶିକ୍ଷା ଏବଂ ସ୍ବାସ୍ଥ୍ୟ ପ୍ରତି ତାଙ୍କ ପରିବାରର ଆଗ୍ରହ ରହିଛି। ତାଙ୍କ ପରିବାର ପଞ୍ଜାବବାସୀଙ୍କ ସେବା କରିବାକୁ ଚାହାନ୍ତି।
ସୂଚନା ଯେ, କୋଭିଡ୍ ସଙ୍କଟ କାଳରେ ଜନକଲ୍ୟାଣ କାର୍ଯ୍ୟ ନିମନ୍ତେ ସୋନୁ ଭୂୟସୀ ପ୍ରଶଂସାର ପାତ୍ର ହୋଇଥିଲେ ।
Powered by Froala Editor
