ଭୁବନେଶ୍ୱର: ରାଜ୍ୟରେ ଥମୁନି ମମିତା ମେହେର ମର୍ଡର ତାତି । ବିରୋଧିଙ୍କ ହୋହାଲ୍ଲା ମଧ୍ୟରେ କମ୍ପୁଛି ରାଜ୍ୟ । ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ସହ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଲିଙ୍କ ଥିବା ନେଇ ରାଜ୍ୟ ସରକାରଙ୍କୁ ଘେରୁଛନ୍ତି ବିରୋଧୀ । ଗୋଟିଏ ପଟେ ରାଜ୍ୟ ଗୃହ ରାଷ୍ଟ୍ରମନ୍ତ୍ରୀଙ୍କ ଇସ୍ତଫା ଦାବିରେ ବିରୋଧି ଅଡି ବସିଥିବାବେଳେ ଏନେଇ ଅଧିକାଂଶ ମନ୍ତ୍ରୀ କଳାପତକା ପ୍ରଦର୍ଶନର ସମ୍ମୁଖୀନ ହେଉଛନ୍ତି ।। ଏପରିକି ଅଧିକାଂଶ ମନ୍ତ୍ରୀଙ୍କୁ ମଧ୍ୟ ଅଣ୍ଡାମାଡ଼ କରାଯାଉଛି । ଏହାରି ଭିତରେ ବିଜେପି ନେତା ବିଜୟ ମହାପାତ୍ର ପୁଲିସକୁ ଟାର୍ଗେଟ କରିଛନ୍ତି ।  ପୁଲିସ କେସକୁ ଦୁର୍ବଳ କରୁଥିବା ବିଜୟ କହିଛନ୍ତି ।
ତଦନ୍ତ ପ୍ରକ୍ରିୟାକୁ ନେଇ ପ୍ରଶ୍ନ ଉଠାଇଲେ ବିଜୟ ମହାପାତ୍ର । ୧୩ ତାରିଖରେ ମମିତା ମାମଲାରେ ଏଫଆଇଆର୍ ହୋଇଥିଲା । ୧୬ ତାରିଖରେ କୋର୍ଟରେ କେସ୍ ଡାଏରୀ ହେଲା । ୩ଦିନ ପରେ ପୋଲିସ କାହିଁକି କୋର୍ଟକୁ ଗଲା ? ଏପରିକି ବଙ୍ଗୋମୁୁଣ୍ଡା କୋର୍ଟରେ ପୋଲିସର କେସ୍ ଦାଖଲକୁ ନେଇ ମଧ୍ୟ ପ୍ରଶ୍ନ ଉଠାଇଛନ୍ତି । ଜରୁରୀ କାରଣରୁ ପୋଲିସ ବିଳମ୍ବ ନେଇ କୋର୍ଟଙ୍କୁ ଜଣାଇବା କଥା ଥିଲା । ମାମଲାରେ କାହିଁକି ବିଳମ୍ବ ହେଲା ପୋଲିସ ଜଣାଇଲା ମଧ୍ୟ ନାହିଁ । ପୋଲିସ କେସକୁ ଦୁର୍ବଳ କରିବାକୁ ଆହୁରି ଷଡଯନ୍ତ୍ର କରୁଛି ।

ମାସେ ମଧ୍ୟରେ ଅନୁସନ୍ଧାନ କେଉଁ ଦିଗକୁ ଗଲା । ପ୍ରତିବାଦ ଭିନ୍ନ କଥା । ମାତ୍ର ମାସକ ଭିତରେ ପୋଲିସ କେତେବାଟ ତଦନ୍ତ କରିଛି ତାହା ସମସ୍ତେ ଜାଣିବାକୁ ଚାହୁଁଛନ୍ତି। ୧୨ ତାରିଖ ରାତି ୧୨ ଟାରେ ଏତଲା ରଖିଛି ତାକୁ ୧୩ ତାରିଖ ବୋଲି ଦର୍ଶା ଯାଇଛି । ମୁଁ ଏକଥା କହୁନି ପୋଲିସ ଏହି ରିପୋର୍ଟ କୋର୍ଟରେ ଦାଖଲ କରିଛି । ଏତଲା କୋର୍ଟକୁ ଆସିବାକୁ ୩ ଦିନ ଲାଗିଲା ଏହାର ଉତ୍ତର କିଏ ଦେବ । ଆଇନ କହୁଛି ଏତଲା ସଙ୍ଗେ ସଙ୍ଗେ କୋର୍ଟ ଆସିବ । ସିନ୍ଧେଇକେଲା ଥାନା ରୁ ବଙ୍ଗମୁଣ୍ଡା କୋର୍ଟ ଏତଲା ଆସିବା ପାଇଁ ଏକ ଘଣ୍ଟା ଲାଗିବ ମାତ୍ର ଏଠି ତିନି ଦିନ ଲାଗିଲା । ଯଦି କିଛି ଅସୁବିଧା ଥିଲା ତାହାର କାରଣ ପୋଲିସ ଦର୍ଶାଇବାର ଆବଶ୍ୟକତା ରହିଛି । ମାତ୍ର ପୋଲିସ ତାହା କରି ନାହିଁ । ଏହି ଘଟଣା ରାଜ୍ୟବାସୀଙ୍କ ମନରେ ସୃଷ୍ଟି ହେଉଥିବା ପ୍ରଶ୍ନକୁ ଆହୁରି ଘନୀଭୂତ କରୁଛି ।
ବାହାରେ ପ୍ରଚାର କରାଗଲା ସ୍କୁଲ ଅଲଗା କଲେଜ ଅଲଗା । ମାତ୍ର ଏତଲା କହୁଛି କଲେଜର ହଷ୍ଟେଲରେ ମମିତା ରହୁଥିଲେ । ଏବଂ ସେଠି ସେକ୍ସ ସ୍କାଣ୍ଡଲ ଚାଲୁଥିବା ଏହି ଏତଲାରେ ରହିଛି । ଯେଉଁ ସେକ୍ସ ରାକେଟ ଚାଲୁଥିଲା ତାହାର ତଦନ୍ତ ଏବେ କିଏ କରୁଛି । ଯଦି ପୋଲିସ ଗୋବିନ୍ଦକୁ ଏହା ପଚାରିଲା ତେବେ ତାହାର ରିପୋର୍ଟ କୋର୍ଟରେ କାହିଁକି ପୋଲିସ ଦେଇନାହିଁ । ୧୬୧ କିମ୍ବା ୧୬୪ ରେ କାହିଁକି ପୋଲିସ ଷ୍ଟେଟମେଣ୍ଟ ନେଲା ନାହିଁ । କୋର୍ଟ କୁ ଦିଆଯାଇଥିବା ରିପୋର୍ଟରେ ଗୋବିନ୍ଦ ସାହୁ ବିଷୟରେ ମାତ୍ର ଗୋଟିଏ ପଦ ଲେଖା ଯାଇଛି । ସେ ଆଡମିଟ କରିଛି କିନ୍ତୁ କନଫେସନ କରିନି ।

Powered by Froala Editor