ବରଗଡ଼:  ମୁଖ୍ୟମନ୍ତ୍ରୀଙ୍କ ବରଗଡ଼ ଗସ୍ତ କାର୍ୟ୍ୟକ୍ରମକୁ ଜୋରଦାର ବିରୋଧ କରିବାକୁ ଚେତାବନୀ ଦେଇଛି କଂଗ୍ରେସ ଓ ବିଜେପି  । ହେଲେ ଏହ ପୂର୍ବରୁ  ବିଜେପି ଯୁବ ମୋର୍ଚ୍ଚା ସଭାପତି ଇରାଶିଷ ଆଚାର୍ୟ୍ୟଙ୍କୁ ଗିରଫ କରିଛି ପୁଲିସ୍‌।  ଇରାଶିଷଙ୍କୁ ପୁଲିସ୍‌ ଗତକାଲି ରାତିରୁ ଅଟକ ରଖିଥିବା ବେଳେ ଆଜି ସକାଳୁ ସକାଳୁ ଗିରଫ କରିଛି। ମମିତା ମାମଲାରେ ବିରୋଧିମାନେ ମୁଖ୍ୟମନ୍ତ୍ରୀଙ୍କୁ ବିରୋଧ ଆଶଙ୍କା ଥିବାରୁ ପୁଲିସ୍‌ ଆଗୁଆ ପଦକ୍ଷେପ ନେବାରେ ଲାଗିଛି।

ସୂଚନାଯୋଗ୍ୟ,  ମୁଖ୍ୟମନ୍ତ୍ରୀଙ୍କ ଗସ୍ତକୁ ବିରୋଧ କରାଯିବ ବୋଲି ବିରୋଧୀ ଚେତାବନୀ ଦେବା ପରେ   କାର୍ୟ୍ୟକ୍ରମ ସ୍ଥଳ ପୁଲିସ୍‌ ଛାଉଣୀରେ ପରିଣତ ହୋଇଛି।  ସୁରକ୍ଷା ବ୍ୟବସ୍ଥାକୁ ବଢ଼ାଯାଇଛି । ପୁଲିସ୍‌ ଗତ ରାତିରେ ବିଜେପି ଯୁବ ମୋର୍ଚ୍ଚା ସଭାପତି ଇରାଶିଷ ଆଚାର୍ୟ୍ୟ, ବିଜେପି ଜିଲ୍ଲା କୃଷକ ମୋର୍ଚ୍ଚା ସଭାପତି ଶ୍ରୀକାନ୍ତ ମିଶ୍ର ଏବଂ ଅନ୍ୟ ୧୨ ବିଜେପି କର୍ମୀଙ୍କୁ  ଉଠାଇ ନେଇଥିଲା । ସେହିପରି  ବରଗଡ଼ ଜିଲ୍ଲା କଂଗ୍ରେସ ସଭାପତି ନିହାର ମହାନନ୍ଦ ଏବଂ କଂଗ୍ରେସ ନେତା ନିପନ ଦାସଙ୍କ ସହ ଅନ୍ୟ ସମର୍ଥକଙ୍କୁ ମଧ୍ୟ ଉଠାଇ ନେଇଥିଲା। ଏହାପରେ ଆଜି ସକାଳେ ଇରାଶିଷଙ୍କୁ ଗିରଫ ଦର୍ଶାଇଛି।
ମୁଖ୍ୟମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି ପୋଲିସ ପ୍ରଶାସନ ପକ୍ଷରୁ ବିଭିନ୍ନ ଛକରେ ଯାଂଚ ହେଉଛି  । ବରଗଡ଼ରେ ୧୮ ପ୍ଲାଟୁନ ଫୋର୍ସ ମୁତୟନ ସହ ଆଇନଶୃଙ୍ଖଳା ରକ୍ଷା ପାଇଁ ଉଚ୍ଚପଦସ୍ଥ ପୋଲିସ ଅଧିକାରୀଙ୍କୁ ଦାୟିତ୍ୱ ଦିଆଯାଇଛି  ।

Powered by Froala Editor