ଆମେରିକୀୟ ମହାକାଶ ଗବେଷଣା ସଂସ୍ଥା ନାସା ଓ ସ୍ପେସଏକ୍ସ ୪ ଜଣ ମହାକାଶଚାରୀଙ୍କୁ ବୁଧବାର ଅନ୍ତରୀକ୍ଷକୁ ପଠାଇଛି । ସେମାନେ ସ୍ପେସ ଷ୍ଟେସନ ଅଭିମୁଖେ ଯାତ୍ରା ଆରମ୍ଭ କରିବା ସହ ଗୁରୁବାର ପହଁଚିଛନ୍ତି । ତେବେ ଏହି ମହାକାଶଚାରୀଙ୍କ ଟିମ୍‌ର ନେତୃତ୍ୱ ନେଇଛନ୍ତି ଭାରତୀୟ ବଂଶୋଦ୍ଭବ ରାଜା ଚାରୀ ।

ବୁଧବାର ଦିନ ଫ୍ଲୋରିଡାରେ ଥିବା କେନେଡି ମହାକାଶ କେନ୍ଦ୍ରର ୩୯ଏ ଉତକ୍ଷେପଣ ସ୍ଥଳରୁ ସ୍ପେଶଏକ୍ସ ମହାକାଶ ଯାନ ମହାକାଶକୁ ଯାତ୍ରା କରିଥିବାବେଳେ ସେଥିରେ ନାସାର ମହାକାଶଚାରୀ ଟମ୍‌ ମାର୍ଶବର୍ନ, କାୟଲା ବାରୋନ, ରାଜା ଚାରୀ ଏବଂ ୟୁରୋପୀୟ ମହାକାଶ ସଂସ୍ଥାର ମହାକାଶଚାରୀ ମାଥିଆସ ମୋରେର ମହାକାଶକୁ ଯାଇଛନ୍ତି । ସେମାନେ ମହାକାଶ କେନ୍ଦ୍ରରେ ୬ ମାସ ରହି ବିଭିନ୍ନ ବୈଜ୍ଞାନିକ ଗବେଷଣା କରିବେ । ତାହାସହିତ ମହାକାଶରେ ସେ ଫ୍ଲାଇଟ ଇଞ୍ଜିନିୟର ଭାବରେ କାର୍ଯ୍ୟ କରିବେ ।

ସୂଚନାଯୋଗ୍ୟ ଯେ ରାଜା ଚାରୀ ଏହି ଅଭିଯାତ୍ରୀ ଦଳର କମାଣ୍ଡର ଦାୟିତ୍ୱ ତୁଲାଉଛନ୍ତି । ସେ ମହାକାଶଯାନର ଉତକ୍ଷେପଣ ଠାରୁ ପୃଥିବୀକୁ ଫେରିବା ପର୍ଯ୍ୟନ୍ତ ସମସ୍ତ ଦାୟିତ୍ୱ ବହନ କରିବେ । ସେ ଆମେରିକୀୟ ବାୟୁ ସେନାର ଲଢୁଆ ବିମାନର ଟ୍ରେନି ପାଇଲଟ୍ ଅଟନ୍ତି । ତେଣୁ ତାଙ୍କୁ ମିଶନ କମାଣ୍ଡର ଦାୟିତ୍ୱ ମିଳିଛି । ଏନେଇ ରାଜା ଚାରୀ କହିଛନ୍ତି ଯେ, ଏହା ଏକ ମହାନ ଯାତ୍ରା । ଆଶାଠାରୁ ଅଧିକ ଭଲ ଲାଗୁଛି ।

ସୂଚନାଯୋଗ୍ୟ, ୨ ଦିନ ପୂର୍ବରୁ ସ୍ପେସ ଏକ୍ସର ମହାକାଶଯାନ ୪ ଯାତ୍ରୀଙ୍କୁ ଧରି ପୃଥିବୀକୁ ଫେରି ଆସିଥିଲା । ଏଥିରେ ନାସାର ମହାକାଶଚାରୀ ସେନ୍ କିମବରା, ମ୍ୟାଗନ୍ ମ୍ୟାକଆର୍ଥର, ଜାପାନର ଅକିହିତୋ ହୋସିଦେ ଓ ଫ୍ରାନ୍ସର ଥୋମସ୍ ପ୍ୟାସ୍କବେଟଙ୍କୁ ଧରି କ୍ୟାସୁପଲ୍ ସ୍ପେସ ସେଣ୍ଟରରେ ପହଁଚିଥିଲା । ସେମାନେ ଅନ୍ତରୀକ୍ଷରେ ୨୦୦ ଦିନ ବିତାଇଥିଲେ ।    

Powered by Froala Editor