ଜବରଦସ୍ତି ବନ୍ଦକୁ ବରଦାସ୍ତ କରାଯିବନି:ପୁଲିସ କମିଶନର
ଭୁବନେଶ୍ୱର,: ହାଇକୋର୍ଟଙ୍କ ରାୟ ମୁତାବକ କମିଶନରେଟ ପୁଲିସ ରାଜଧାନୀରେ ସୁରକ୍ଷା ବ୍ୟବସ୍ଥାକୁ କଡ଼ାକଡି଼ କରିଛି । ପୁଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ଆନ୍ଦୋଳନକାରୀଙ୍କୁ ଚେତାଇଛନ୍ତି, କୌଣସି ସ୍ଥାନରେ ଜବରଦସ୍ତି ବନ୍ଦକୁ ବରଦାସ୍ତ କରାଯିବନି । ଶାନ୍ତିପୂର୍ଣ୍ଣ ବନ୍ଦ ପାଳନ ହେବ । ଯଦି କେହି ଆନ୍ଦୋଳନକାରୀ ବ୍ୟତିକ୍ରମ କରିବେ, ତା’ ବିରୋଧରେ ଦୃଢ଼ କାର୍ୟ୍ୟାନୁଷ୍ଠାନ ନିଆଯିବ ।
ଶ୍ରୀ ପ୍ରିୟଦର୍ଶୀ କହିଛନ୍ତି, ଓଡ଼ିଶା ବନ୍ଦ ଡାକରା ଦେଇଥିବା ନିର୍ଦ୍ଧିଷ୍ଟ ସଂଗଠନ ଶାନ୍ତିପୂର୍ଣ୍ଣ ଭାବେ ବନ୍ଦ ପାଳିବାକୁ ସ୍ପଷ୍ଟ କରିଛି । ଆନ୍ଦୋଳନକାରୀମାନେ କୌଣସି ବଳପୂର୍ବକ ପଦକ୍ଷେପଠୁ ଦୂରେଇ ରୁହନ୍ତୁ । ବ୍ୟବସାୟିକ ପ୍ରତିଷ୍ଠାନ, ଶିକ୍ଷାନୁଷ୍ଠାନ, ଘରୋଇ ସଂସ୍ଥା, ଦୋକାନବଜାର ପୂର୍ବଭଳି ଖୋଲିବ । କେହି ଜବରଦସ୍ତି ବନ୍ଦ କରିପାରିବେନି । ନିଜ ସ୍ୱଇଛାରେ ଜନସାଧାରଣ ଗନ୍ତବ୍ୟସ୍ଥଳକୁ ଯାଇପାରିବେ । ବାଟରେ ଆନ୍ଦୋଳନକାରୀ କାହାରିକୁ ଅଟକାଇବେନି । ଯଦି କୌଣସି ସ୍ଥାନରେ ଆନ୍ଦୋଳନାକାରୀଙ୍କ ଆକ୍ରୋଶର ଶିକାର ହୁଅନ୍ତି, ତୁରନ୍ତ ଜରୁରୀ ସେବା ୧୧୨ କିମ୍ବା ନିକଟସ୍ଥ ଥାନାରେ ଅଭିଯୋଗ କରିବାକୁ ଡିସିପି ପରାମର୍ଶ ଦେଇଛନ୍ତି ।
Powered by Froala Editor
